भांगरभूंय | प्रतिनिधी
पेडणें, प्रतिनिधी ः कळंगूटेतल्यान पनवेलाक परत वतना तोरसें राष्ट्रीय म्हामार्गाचेर पर्यटकांच्या गाडयेक अपघात जालो. मेळिल्ले म्हायती प्रमाण, गोंय भोंवडेर आयिल्ले भुवन गाडगे, रुपेश ठाकुर आनी हेर दोग जाण पनवेलाक परत वतना तोरसें पावले उपरांत रस्त्याचो अदमास घेवंक नाशिल्ल्यान गाडये वयलो ताबो गेलो आनी अपघात जालो. एम एच 46 सी एल 7175 ह्या क्रमांकाच्या मोटारीन लोखणाच्या खांब्याक नेटान धपको दिल्ल्यान मोटारीच्या फुडल्या भागाचे लुकसाण जाले.
गाडयेंतले एअर बॅग वेळार उघडिल्ल्यान ड्रायव्हर, ड्रायव्हराचे कुशीक आनी फाटल्यान बशिल्ले हेर दोग जाण वांचले. मोपा पुलीस स्टेशनाचे हवालदार सत्यवान कळंगुटकार हांणी अपघाताचो पंचनामो केलो. जखमींक उपचारा खातीर दाखल केल्या उपरांत उपचार करुन दनपारां तांका डिस्चार्ज दिल्ल्याची म्हायती हवालदार कळंगुटकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
