भांगरभूंय | प्रतिनिधी
पेडणें, प्रतिनिधी: तोरश्यां पंचायत वाठारांतले फकीर पाठा हे काजू बागायत जमिनींत वैशाली केणी आनी बाबाजी केणी हांचे ५० परस चड काजींचे रोंपे कापून उडोवपाची घडणूक घडल्या. जांणी हे रोंपे कापून उडयल्यात ते व्यक्ती आड मोपा पुलीस स्टेशनार कागाळूय नोंद केल्ल्याची म्हायती बाबाजी हांणी दिली.
आयज काल व्हडा प्रमाणात झाडांची कत्तल करप चालू आसा. दोंगर कांपून पर्यावरणाचो विध्वंस करपाचो यत्न सुरू आसतना फकीर फाटो हांगाच्या वैशाली आनी बाबाजी केणी हांणी आपले जमनीर झाडां लायिल्लीं. तांचें एकत्र कुटुंब. थारावीक वाटणी करून तांणी हीं झाडां लायिल्लीं. काजींचीं ५० कलमां कापपाची घडणूक प्रत्यक्षांत पळयले उपरांत संबंदीतांनी हे विशीं पुलिशेंत कागाळ केली.
झाडां लावन सैम वाटावपा वांगडा जर जमीन आसल्यार थंय झाडां लावन उत्पन्न घेवन पोट चलोवं येता. हेच फाटभूंयेर केणी कुटुंबीयांनी हे सुवातेर काजीचे रोंपे लायिल्ले. ही घडणूक नदरेक आयले उपरांत तांकां धक्को बसला. सरकारान न्याय दिवपाची मागणी तांणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
