भांगरभूंय | प्रतिनिधी
म्हापशें, प्रतिनिधी: साल्वादोर दु मुंद पंचायतीच्या तोड्डा ते सालय मजगतींचे लायटीचे खांबे वार्याक लागून शेतांनी लवंडल्यात. ताका लागून वीज खात्यान ताचे वयली वीज पुरवण बंद उडोवन सालय गांवांक दुसरे वटेनच्यान लायटीची पुरवण केल्या.
ही घडणूक शेनवारा ६ तारखेर घडली. वादळी वार्या सयत आयिल्ल्या पावसाक लागून तोड्डा- पैठणच्या श्री गणपती देवळा पसून शेतांतल्यान सालय वाचपी रस्त्या कुशीकचे लायटीचे खांबे शेतांनी लवंडले. हें कळटांच वीज खात्याच्या कर्मचार्यांनी रोखडीच वीज पुरवण बंद केली.
सालय गांवांक दुसरे वटेनच्यान विजेची वेवस्था केल्या. ह्या शेतांत लवंडल्ल्या वीज खांब्यांची लायट काडल्या. ताका लागून लोकांनी भियपाची गरज ना असो उलो खात्याच्या अधिकार्यांनी मारला.
पावसा उपरांत लायटीचे खांबे आनी सरयांचें काम करतले
जंय लायटीचे खांबे लवंडल्यात थंय उदक सांठून उरलां. ताका लागून दुरुस्तीचें काम हातांत घेवप शक्य ना. पावस सोंपल्या उपरांत लायटीचे खांबे आनी सरयांचें काम करतले. तो मेरेन सालय गांवांक वीज दिवपाची वेवस्था पर्यायी मार्गान केल्या, अशी म्हायती कार्यकारी वीज अभियंते सुभाष पार्सेकार हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
