भांगरभूंय | प्रतिनिधी
फोंडें, प्रतिनिधी : तिस्क-उसगांवां शेनवारा रातचें उसरां सुण्याक वाटावपाचो यत्न करतना चालकाचें गाडयेवयल्यान नियंत्रण गेलें आनी गाडी उमथली. ह्या अपघातांत ड्रायव्हर वाटवलो. मात गाडयेचें बरेंच लुकसाण जालें.
मेळिल्ले म्हायती प्रमाण, शेनवारा रातीं उसरां जीए- ०७ – सी -४८३९ क्रमांकाची कार तिस्क उसगांवच्यान फोंड्यां वताली. तेन्ना अचकीत रस्त्यार आयिल्ल्या एका सुण्याक वाटावपाक ड्रायव्हरान गाडी दावे वटेन घेतली तेन्ना गाडी रस्त्या कुशीक आशिल्ल्या देंगणांत वचून कोसळ्ळी.
ह्या वाठारांत रस्ताद सुणे आनी हेडगीं गोरवां बरींच वाडल्यांत. ताका लागून अपघातूय जावपाच्यो घडणुको वाडल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
