भांगरभूंय | प्रतिनिधी
पणजी : तिस्क-उसगांवां जंक्शनाचेर दोन दुचाकीं मदीं अपघात जालो. ह्यो दुचाकी एकामेकाक सामकार आदळ्ळ्यो. हातूंत तीग जाण गंभीर जखमी जाल्यात. ह्या रस्त्यावेल्यान भायल्या राज्यांतलीं वाहनां आनी थळावीं वाहनां व्हडा प्रमाणांत यो-वच करतात. हाका लागून हांगा जायते फावटीं ल्हान-व्हड अपघात जायत आसतात.
हो अपघात जालो तेन्नाच फोंडेंचे उपअधीक्षक शिवराम वायंगणकार हे त्या रस्त्यावेल्यान वताले. तांणी वेळ काडिनासतना आनी कोणाचीच वाट पळयनासतना जखमींक स्वताच्या शासकीय वाहनांतल्यान उपचारा खातीर मुळाव्या भलायकी केंद्रांत दाखल केले. तांणी केल्ले मजतीक लागून जखमींक वेळार वैजकी मजत मेळ्ळी.
मजगतीं, ह्या रस्त्याचेर योग्य दिका दर्शन आनी सायनबोर्ड नाशिल्ल्यान अपघात घडतूच आशिल्ल्याचो आरोप थळाव्यांनी केला. तशेंच सरकारान हाचे कडेन खरपणान लक्ष दिवचें अशीय मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
