भांगरभूंय | प्रतिनिधी
भांगरभूंय । खबरां मेज
पणजीः तिसवाडी मुस्लीम वेलफॅर सोसायटीन सान्तइनेज हांगच्या गोंय फार्मसी कॉलेज सभाघरांत आयोजीत केल्ल्या भलायकी शिबिरांत 300 लोकांची वैजकी तपासणी केली. आरजी स्टोन हॉस्पिटल- पर्वरी, नोबल हॅल्थ लॅबोरेटरी आनी फार्मसी कॉलेजात हें शिबीर आयोजीत केल्लें. सोसायटी शिक्षण, भलायकी आनी बायल सबलीकरण मळार वावुरता.
पणजी म्हानगरपालिकेचो इंजीनियर विवेक पार्सेकार हांचे हस्तुकीं शिबिराचें उक्तावण जालें. आरजी स्टोन हॉस्पिटलांत ईसीजी आनी अल्ट्रासावंड तपासणी केली जाल्यार नोबल हॅल्थ लॅबोरेटरी वतीन रगत तपासणी, गोडें मूत, किडनी तपासणी केली. पर्वरीच्या डॉ अमीत पाटील हाणे दोळे तपासणी केली.
भलायकी तपासणी शिबीर आयोजीत करपाक आमकां पालोव दिवपी आरजी स्टोन हॉस्पिटलाचे दोतोर तशेंच नोबल हॅल्थ लॅबोरेटरी आनी फार्मसी कॉलेजाचे आमी उपकारी आसात अशें तिसवाडी मुस्लीम वेलफॅर सोसायटीचो अध्यक्ष बरकत अली शेख हाणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
