भांगरभूंय | प्रतिनिधी
भांगरभूंय । खबरां मेज
पणजीः गोंय तियात्र अकादमी वतीन नुवेंच्या कार्मेल कला, विज्ञान आनी वाणिज्य म्हाविद्यालयांत 15 तें 24 फेब्रुवारी मजगतीं तियात्र कार्यशाळा जाली. म्हाविद्यालयाच्या सभाघरांत जाल्ले ह्या कार्यशाळेचें उक्तावण तियात्र अकादमीचो अध्यक्ष सगुण वेळीप हाचे हस्तुकीं उक्तावण जाल्ले. त्या वेळार कार्मेल म्हाविद्यालयाची प्राचार्य डॉ सिस्टर मारिया लिझाने एसी. फादर डोयल डायस हाजीर आशिल्ले.
कार्यशाळेंत फादर डोयल डायस हाणे प्रशिक्षणार्थीक अभिनय आनी दिग्दर्शन हे विशीं मार्गदर्शन केलें. सिनोन सिल्वेस्टर डिसोझा हाणे कांतार लेखना संबदी मार्गदर्शन केलें. कार्यशाळेंत 25 विद्यार्थ्यांनी वांटो घेतिल्लो. 24 फेब्रुवारीक जाल्या कार्यशाळेच्या समारोप कार्यावळींत प्रशिक्षणार्थ्यांनी एक नाटकुलें सादर केलें. म्हाविद्यालयाची सिनियर लेक्चररांचे हस्तुकीं प्रशिक्षणार्थीक प्रमाणपत्रां भेटयलीं. तियात्र अकादमीचो सांस्कृतीक समन्वयक विजय तारी हाणे कार्यशाळा आयोजीत करपाक परिश्रम घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
