भांगरभूंय | प्रतिनिधी
पणजी, बातमीदार ः ताळगांव पंचायतीचेर परतून एकदा मंत्री बाबूश मोन्सेरत हांचें पॅनल जिखलें. हे पंचायतींत पॅनलाचे इकराय उमेदवार जिखल्यात. इकरा मदल्या चार प्रभागांतले उमेदवार पयलींच विरोधा विणे वेंचून आयिल्ले. जाल्यार सात प्रभागा खातीर काल (ता. 28) 68.79 टक्के मतदान जालें. आनी आयज सकाळीं मतमेजणी जाली.
प्रभाग एक, स, धा आनी इकरा मदले उमेदवार पयलींच विरोधा विणे वेंचून आयिल्ले. उरिल्ल्या सात प्रभागात वट्ट 14 उमेदवार आशिल्ले. हे खेपे ताळगांव पंचायत वेंचणुकेंत मंत्री बाबूश मोन्सेरात हांच्या पॅनेला आड इंडि आघाडीच्या घटक पक्षांनी एकठांय येवन उमेदवार दिल्ले.
बाबूश पॅनलाचे उमेदवार सिध्दी केरकार प्रभाग एक, एस्टेला डिसोझा प्रभाग स, सागर बांदेकार प्रभाग धा आनी प्रभाग इकरांतल्यान सिडनी पॉल बार्रेटो हांची पयलींच विरोधा विणें निवड जाल्ल्यान ताळगांव पंचायतीचेर परतून एकदा बाबूश हांचीच सत्ता स्थापन जातली हें स्पश्ट जाल्लें. आयज निकाल जाहीर जाले उपरांत बाबूशाच्या पॅनलाचे इकराय उमेदवार जैतिवंत जाले.
ताळगांव पंचायत वेंचणूक निकाल
प्रभाग 1 सिद्धी केरकार (विरोधा विणे)
प्रभाग 2 आग्नेल डिकुन्हा
प्रभाग 3 हेलिना परेरा
प्रभाग 4 रतिका गांवस
प्रभाग 5 उशांत काणकोणकार
प्रभाग 6 एस्टेला डिसोझा (विरोधा विणे)
प्रभाग 7 जानू रुजारिओ
प्रभाग 8 मारिया जॉर्ज फर्नांडिस
प्रभाग 9 संजना संदीप दिवकार
प्रभाग 10 सागर बांदेकार (विरोधा विणे)
प्रभाग 11 सिडनी पॉल बार्रेटो (विरोधा विणे)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
