भांगरभूंय | प्रतिनिधी
चेन्नय : सी. जोसेफ विजय हांच्या फुडारपणा खालच्या पयल्याच मंत्रिमंडळांत 29 वर्सांची एस. कीर्तना ही एक आकर्शणाचो केंद्रबिंदू थारल्या. पयलेच खेपे आमदार जाल्ली आनी राजकीरणनीतीकार म्हणून अणभव आशिल्ली कीर्तना, विजय सरकारच्या मंत्रिमंडळांतली सगल्यांत तरणाटी मंत्री जाल्या. तामिळनाडूच्या राजकारणांत तरणाट्यांक आनी शिकिल्ल्या फुडाऱ्यांक मुखार हाडपाच्या टीव्हीके पक्षाच्या धोरणाचें हें प्रतीक मानतात.
घडयलो इतिहास
कीर्तनान शिवकासी मतदारसंघांतल्यान जैत मेळोवन इतिहास घडयला. शिवकासीच्या राजकी इतिहासांतली ती पयली बायल आमदार. तिणें दशकां सावन चलत आयिल्ली दादल्यांची राजकी सत्ता मोडून उडयली. तिणें काँग्रेसचे उमेदवार अशोकन जी हांका 11,670 मतांच्या फरकान हारयलें.
भलायकी सुविधांचेर भर
माराण, फस्कां आनी छपाई उद्येगा खातीर फामाद आशिल्ल्या शिवकासींत उद्येगीक सुरक्षा आनी भलायकी सुविधांचो गंभीर प्रस्न आसा. आपल्या प्रचारा दरम्यान कीर्तनान हे प्रस्न पोटतिडकीन मांडले. तिणें कामगारां खातीर फुडल्य आश्वासनांचेर भर दिलो:
शिक्षण आनी राजकी अणभव
टीव्हीके पक्षाच्या स्थापनेच्या काळांत तरणाट्यांक एकठांय हाडपांत आनी सोशल मीडियाचेर पक्षाची बाजू मांडपांत कीर्तनान पडद्या फाटल्यान महत्त्वाची भूमिका केल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
