भांगरभूंय | प्रतिनिधी
एक दीस कावळ्याक खूब तान लागिल्ली. पूण, खूब भोंवून लेगीत ताका उदक मेळूंक नाशिल्लें. भोंवतना ताका अचकीत एक मडकी दिसली. उडून तो ते मडके कडेन पावलो. भितर उदक आशिल्लें, पूण सामकें तळाक. मडकेचें तोंड बारीक आशिल्ल्यान कावळ्याक तांतूतले उदक पियेवप शक्य नाशिल्लें.
आदींच तान लागिल्ल्यान तो आनीकय निरशेलो. पूण भोंवतणचे फातर पळोवन ताका एक कल्पना सुचली. ताणें आपले चोंचींतल्यान ल्हान- व्हड फातर हाडून मडकेंत उडोवंक सुरवात केली. फातरांक लागून तळाचें उदक ल्हव- ल्हव वयर येवपाक लागलें. थोड्या वेळा उपरांत कावळ्याक पियेवपाक मेळटलें इतलें उदक वयर आयलें. इतल्या यत्नां उपरांत कावळ्यान खोशेन आपली तान भागयली.
देख ः गरजे वेळार युक्तीचो उपेग करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
