भांगरभूंय | प्रतिनिधी
पणजी: राज्यांतली दोंगर कापणी तशेच भर घालपी प्रकाराचेर लक्ष दवरपा वांगडा ते विशींचो अहवाल दिवपाक तलाठ्यांक शेनवार, आयतार आनी हेर सुटयेच्या दिसांनीय निरीक्षण करपाची सक्ती केल्या. दक्षीण गोंय जिल्लोधिकारी ए. अश्विन चंद्रू हांणी हे विशींचो आदेश जारी केला.
दोंगर कापप आनी भर घालपाचे प्रकार जावचे न्हय म्हूण तलाठ्यांनी सादूर रावप गरजेचें आसा. अशा प्रकारांचेर तलाठ्यांनी शेनवार, आयतर आनी सुटयेच्या दिसांनी लक्ष दवरचें आनी ते विशींचे फोटो, व्हिडिओंचे पुरावे जोडून ते संबंदी अहवाल जिल्होधिकार्यांक सादर करचो. हे खातीर तलाठ्यांनी गस्ती पंगडा कडेन समन्वय करप गरजेचें अशेंय चंद्रू हांणी आदेशांत म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
