भांगरभूंय | प्रतिनिधी
लक्ष्मीकांत पार्सेकारः दरेका तरणाट्यान कसली ना कसली म्हत्वाकांक्षा बाळगुची
भांगरभूंय । प्रतिनिधी
मुरगांवः तरणाट्यांनी वेवसाय करचे खातीर फुडाकार घेवप गरजेचें आसा. कारण आयच्या काळांत स्वयंरोजगार केलो जाल्यार ताचो फायदो आपले वांगडाच फुडारांत हेरांक फायद्याचो थारतलो. हे खातीर दरेकल्यान सरकारी नोकरे फाटल्यान धांवा नासतना, स्वताचो वेवसाय सुरू करचे खातीर पावल उखलचें, अशों आदले मुख्यमंत्री प्रा. लक्ष्मीकांत पार्सेकार हांणी सांगलें.
पेडणें चोपडें- आगरवाड्यार राऊत कार स्पा आनी बबल बाथ हांणी जोडपालवान कार वॉश सेंटर सुरू केलां. ताचें उक्तावण पार्सेकार हांचे हस्तुकीं जालें. ह्या वेळार ते उलयताले. तांचे वांगडा मांद्रेचे आमदार जीत आरोलकार, आदले वीज मंत्री मिलींद नायक, आदले आमदार कार्लूस आल्मेदा, चोपडें- आगरवाडेचे सरपंच सचीन राऊत, पंच शिल्पा नायक, संगिता नायक, जिल्हो पंचायत वांगडी सतीश शेटगांवकार, बबल बाथ कार स्पाचे डॉ. तृष्णा तरळकार, अश्वदीप तरळकार, डॉ. मकरंद जुरकार, डॉ. अंजली जुरकार, राऊत कार स्पाचे संस्थापक तशेंच मुरगांवचे आदले नगरसेवक नंदादीप राऊत, नगरसेविका प्रिया राऊत, राज्य मानव संसाधन विकास मंडळाचे उपाध्यक्ष दीपक नायक, राज्य कदंबा येरादारी मंडळाचे उपाध्यक्ष क्रितेश गांवकार, मुरगांवचे उपनगराध्यक्ष रामचंद्र कामत, आदले नगराध्यक्ष लिओ रॉड्रिगीस, नगरसेविका देविता आरोलकार, श्रध्दा महाले, नगरसेवक फॅड्रीक हेन्रिक, मथायस मोन्तेरो, दामू नायक, दामोदर कासकार, यतिन कामुर्लेकार, प्रजय मयेंकार, आदली उपनगराध्यक्ष रिमा सोनुर्लेकार, आदले नगरसेवक श्रीधर म्हार्दोळकार, धनपाल स्वामी, संदेश मेस्ता, आदले सरपंच बाबली राऊत, रवींन्द राऊत, दर्शन राऊत, तुषार नायक, अजीत परब, राजेंद्र डिचोलकार, प्रताप गांवकार आनी हेर मानेस्त हाजीर आशिल्ले.
दरेका तरणाट्यान कसली ना कसली म्हत्वकांक्षा बाळगून स्वयंरोजगार करचे खातीर यत्न करपाक जाय. तशेंच एकाद्या तरणाट्यान वेवसाय सुरू केलो जाल्यार ताका उर्बा दिवप गरजेचें आसा, अशें पार्सेकार हांणी सांगलें.
आमदार जीत आरोलकार हांणी सांगलें. आयच्या तरणाट्यांनी वेवसाय करपा खातीर मुखार सरपाक जाय. ते खातीर तरणाट्यांनी स्कील इंडिया (कौशल्य भारत) खाला येवजणेचो लाव घेवपा खातीर यत्न करप गरजेचें आसा. ह्या वेळार माचये वयल्या हेर मानेस्तांनी आपले विचार मांडले. नंदादीप राऊत हांणी येवकार दिलो आनी उपकार मानले. सचीन कुर्टीकार हांणी सुत्रसंचालन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
