भांगरभूंय | प्रतिनिधी
फोंडें: ढवळे अती गतीन आयिल्ले मोटारीचो धपको दुचाकीक बसून बहादूर शाह (54, ढवळी) हो दुचाकी चालक गंभीर जखमी जालो. जखमीक अदीक उपचारा खातीर गोमॅकाँत दाखल केला. मोटार चालक एका वाहनाक ओव्हरटेक करपाच्या यत्नांत आसतना हो अपघात घडलो.
पुलिसांनी दिल्ले म्हायती प्रमाण जीए 08 एन 1649 क्रमांकाची मोटार फोंडें सावन मडगांवां वताली. ढवळे मोटार चालक एका वाहनाक ओव्हरटेक करपाच्या यत्नांत आसतना मुखा वेल्यान येवपी जीए 05 व्ही 2265 क्रमांकाचे दुचाकीक मोटारीचो धपको बसलो. हातूंत दुचाकी चालक रस्त्यार पडून गंभीर जखमी जालो.
जखमीक 108 एम्बुलन्सीन उपजिल्हो हॉस्पिटलांत व्हेलो. उपरांत अदीक उपचारा खातीर जखमीक गोमॅकाँत व्हेलो. फोंडें पुलीस स्टेशनाचे हवालदार सज्योत सावंत हांणी अपघाताचो पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
