भांगरभूंय | प्रतिनिधी
फोंडें, प्रतिनिधी: ढवळीच्या रस्त्यार आशिल्ल्या स्पिडब्रेकरा लागसारा रातच्या सुमार ९.१५ वरांचेर स्कुटर घेवन पडिल्ल्या प्रकाश रघुवीर नायक ( ६१, वस्तवाडो – आडपय) हाका मरण आयलें. फोंडें पुलिसांनी अपघाताचो पंचनामो केला.
पुलिसांनी दिल्ले म्हायती प्रमाण, जीए -०५- के – ४९८८ क्रमांकाची स्कुटर घेवन प्रकाश नायक ढवळी वतालो. हॉटेल उमा मुखार आशिल्ल्या स्पिडब्रेकराचेर स्कुटरी सयत प्रकाश नायक रस्त्यार पडलो. तो गंभीर जखमी जाल्लो. ताका उपरांत उपजिल्हो हॉस्पिटलांत दाखल केल्लें. मात हॉस्पिटलांत दाखल करचे पयलींच ताका मरण आयलें. फोंडें पुलीस स्टेशनाचे निरीक्षक तुषार लोटलीकार हांच्या मार्गदर्शना खाला उपनिरीक्षक प्रतीक भट हांणी अपघाताचो पंचनामो केलो. बिरेस्तारा सकाळीं मडगांवच्या हॉस्पिटलांत पोस्टमार्टम केल्या उपरांत ताची कूड ताच्या कुटुंबाचे सुवादीन केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
