भांगरभूंय | प्रतिनिधी
मडगांव, प्रतिनिधी ः बाणावलीच्या तळेबांध जंक्शना लागसार कोलवा पुलिसांनी धाड घालून दुबावीत मोहम्मद मुस्तफा हलागेरी (26, कर्नाटक) हाका अटक केल्या.
मेळिल्ले म्हायती प्रमाण, ही कारवाय कोलवा पुलिसांनी 2 मार्चाक सकाळीं 4 ते 5 वरां मजगतीं केल्ली. मूळ हावराचो (कर्नाटक) पूण सध्या पावर हाऊस लागसार रावपी मुहम्मद मुस्तफा हलागेरी हाका तळेबांध बाणावली जंक्शना लागसार धाड घालून पुलिसांनी ताब्यांत घेतलो. दुबावित मुहम्मदाची तपासणी केली तेन्ना पुलिसांक 1 लाख 8 हजार रुपयांचें 1.080 किलो गांजो ताचे कडेन सांपडलो. पंचनामो करुन गांजो जप्त केलो आनी ड्रग्स प्रकरणांत गुन्यांव नोंद करून दुबावीत मुहम्मद हाका अटक केली. पुलीस निरिक्षक थेरन डिकॉस्टा हांच्या मार्गदर्शना खाला कोलवा पुलीस फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
