भांगरभूंय | प्रतिनिधी
डोना लेनाॅर मेमोरियल हायस्कूल आनी पर्वरी इंग्लीश प्रायमरी स्कूल ह्यो पर्वरेच्यो पोरण्यो शाळा. बेती, सुकूर, पेन्हा दा फ्रान्का, साल्वदोर दा मुंदो आनी सांगोल्डें, गिरींतल्या चार पिळग्यां मेरेनच्या भुरग्यांक ह्या शाळांनी शिक्षणीक योगदान दिलां. पर्वरे वाठारांत डेल्फिनो आनी गौरी पॅत्राॅल पंपाच्या मदीं राष्ट्रीय म्हामार्गाचेर ह्यो शाळा आसात.
ह्या शाळांक गिरेस्त इतिहास आसा. संस्थापक, डोना लेनाॅर रांजेल रिबेरो ही संयुक्त राष्ट्रसंघांत (युनो) नोकरी करताली. तांणी ती नोकरी सोडली आनी घरा गोंयांत आयली. भुरग्यांक दर्जेदार शिक्षण मेळचें अशें तांकां दिसतालें. ते खातीर तांणी शाळा सुरू केली. एखाद्याचो समाज, शेजारी गांव, राज्य, देश, संवसार सुदारतना जाल्यार शिक्षणा बगर पर्याय ना, हाचेर तांचो विस्वास आशिल्लो. ही खाजगी सह- शिक्षणीक शाळा शिक्षणीक आनी अभ्यासक्रमाच्या भायल्या उत्कृश्टतायेची दीपस्तंभ आसची हाची तांणी खात्री केली. तिच्या मरणाच्या वर्सां उपरांत लेगीत तिचे दायज कुशळटायेन मुखार व्हरपाचें काम चलता.
ह्यो शाळा – आदीं ‘एकडिल’ ह्या नांवान वळखताले- आपले शिस्तबद्धताये खातीर, तशेंच मुल्यां खातीर, तशेंच विद्यार्थ्यांक मार्गदर्शन चालूच दवरपी तत्वांचे घटमूट बुन्यादी खातीर वळखतात. तांचे आदले विद्यार्थी आयएएस आनी गोंय राज्य अधिकारी, दोतोर, वकील, खेळगडे, शास्त्रज्ञ आसात. तातूंत कुशळ कामगार आनी कारागिरांचोय आस्पाव जाता. हांगाच्या पयले पिळगेंतल्या शालेय भुरग्यांक लेगीत आपलें सगळें बरें करपाक प्रोत्साहन दितात. शिक्षक आपल्या विद्यार्थ्यां मदीं दिसपी दरेका प्रकारचे प्रतिभेची वळख करून तांकां उर्बा दितात. तें हे शाळेचें खाशेलपण आशिल्लें, आसा आनी उरतलें. शाळेचें एक उल्लेख करपा सारकें खाशेलपण म्हणल्यार तांचो अणभव आशिल्लो आनी बांदिलकाय जपपी शिक्षकांचो पंगड. कर्तव्य हें तांचें बोधवाक्य. विद्यार्थ्यांक बरे नागरीक करपाचो तांचो हेत आनी तांची शिक्षणीक क्षमताय हीय तांचें लक्ष्य आसा.
म्हामार्गाचेर आशिल्ल्यान शाळा सहजतायेन कोणाकूय सांपडटात. तांचें खूब व्हडलें खेळां मैदान आसा. एकूणच निरोगी, उर्बा दिवपी वातावरण आसा. हें हायस्कुल गोंय शालांत मंडळा कडेन संलग्न आसा. भुरग्यांची आनी तरणाट्यांची समग्र उदरगत, आनी ते जें कितें करपाचो यत्न करतात तातूंत उत्कृश्टताय हांचेर शाळा लक्ष केंद्रीत करता. दरेका विद्यार्थ्याची वैयक्तीक वाड आनी विकास हाका वैयक्तीक पद्दतीन प्राधान्य दिता.
शाळा सह-शिक्षणीक आसात आनी हांगां आदार दिवपी पोशक वातावरण आसा. शिक्षक आपली शिकोवपाची पद्दत दरेका विद्यार्थ्याक अनुकूल करपाचो यत्न करतात. खेळ आनी सांस्कृतीक कार्यावळींतल्यान विद्यार्थ्यांक वर्गा भायर तांची आवड आनी प्रतिभा सोदून काडपाक उर्बा दितात. फाटल्या कांय वर्सांनी ह्या शाळांनी बरीच नामना जोडल्या.
प्रवेश दिवप चालू
येता त्या शिक्षणीक वर्सा लोवर केजी, अपर केजी आनी पयले यत्ते खातीर नवी बॅच मेळपाची शाळा आस्त बाळगिता. प्रवेश दिवप सुरू जालां. चड म्हायती खातीर 97664 13016 ह्या क्रमांकाचेर फोन करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
