भांगरभूंय | प्रतिनिधी
पणजी : डॉ. केतन भाटीकार हांणी निस्वार्थीपणान समाजीक कार्य केलें. कोविडांत तांणी केल्लें कार्य तोखेवपा सारकें आसा. तांचो उणाव निश्चीतपणान जाणवतलो, अशें सर्गेस्त रवी नायक हांचे पूत रितेश नायक हांणी म्हणलें.
फोंडें पोटवेंचणुकेंतले भाजपाचे उमेदवार रितेश नायक हांणीय डॉ. केतन भाटीकार हांकां आर्गां ओंपलीं. तांच्या मरणान लागिल्लो धक्को पचोवपाची शक्त तांच्या कुटुंबियांक मेळूं, अश्या शब्दांनी तांणी आर्गां ओपलीं.
फोंडेंच्या आयडी हॉस्पिटलाचो दर्जो वाडोवपा खातीर मुख्यमंत्री डॉ. प्रमोद सावंत आनी भलायकी मंत्री विश्वजीत राणे निश्चीतपणान यत्न करतले. आयडी हॉस्पिटलांत चडांत चड सुविधा निर्माण जावच्यो, अशी डॉ. भाटीकार हांची इत्सा आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
