भांगरभूंय | प्रतिनिधी
पणजीः प्रलंबीत आनी चालू आशिल्लो खटलो पळोवन तडीपारचो आदेश दिवंक मेळना, अशें म्हणून गोंयच्या मुंबय उच्च न्यायालयान बिलिव्हर्स संघटणेचो सडये- शिवोलीचो पास्टर डॉम्नीक डिसोझा आनी तांची घरकान्न जुआन मास्कारेन्हस हांचो तडीपार आदेश रद्द केलो. हो आदेश उत्तर गोंय जिल्होधिकाऱ्यांनी जारी केला.
पा. डॉम्निक हाचे आड 9 एफआयआर आनी जुआनचेर 6 एफआयआर दाखल जाल्यात. हाचेर आदारून पुलिसांनी उत्तर गोंय जिल्होधिकाऱ्याक दोगांकूय स म्हयने उत्तर गोंयांतल्यान तडीपार करचे, अशी शिफारस केल्ली. हे शिफारशीचेर जिल्लोधिकाऱ्यान तडीपारचो आदेश जारी केल्लो. हाका डॉम्निकान राज्याच्या मुखेल सचीवाक आव्हान दिल्लें. पूण ताणें आव्हानाचो अर्ज न्हयकारलो. देखून डॉम्निक उच्च न्यायालयांत गेल्लो. ताचेर बुधवारा निमाणो निकाल आयलो. हाचे प्रमाण फक्त एफआयआर जाला वा खटल्यांचेर सुनावणी सुरू आसा म्हणून अशें परिस्थितींत तडीपारचो आदेश दिवंक फावना, अशें स्पश्ट करून उच्च न्यायालयान जिल्हाधिकाऱ्यांचो आदेश रद्द केलो. ही म्हायती वकील कपील केरकार हांणी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
