भांगरभूंय | प्रतिनिधी
फातोड्डेंच्या डॉन बॉस्को ऑरेटरीन विलरेड लेझर फुटबॉल करंड सर्त जिखली. कुडटरीच्या खेळां आनी युवा वेव्हार संचालनालयाच्या मैदानाचेर जाल्ले फायनलींत ताणें दवर्ली स्पोर्ट्स क्लबाक 3-2 अशा गोल फरकांनी हारयलो. डॉन बॉस्कोच्या जैतांत फ्रान्सीस आंद्राद पर्जळ्ळो. ताणें हॅट्रीक केली. जाल्यार दवर्ली स्पोर्ट्स क्लबा वतीन रॉयसन कुलासो आनी प्रिन्स फिग्युरेदो हाणें एकेक गोल केलो.
हेर वैयक्तीक इनामांः फ्रान्सीस आंद्राद (फायनींतलो खेळगडो, उत्कृश्ट स्ट्रायकर, हॅट्रीक करपी खेळगडो आनी निमाणो गोल, डॉन बॉस्को ऑरेटरी), फ्रान्सीस कुलासो (उत्कृश्ट गोलकीपर, दवर्ली स्पोर्ट्स क्लब), प्रिन्स फिग्युरेदो (उत्कृश्ट मिडफिल्डर, दवर्ली स्पोर्ट्स क्लब), केव्हन आरावजो (उत्कृश्ट डिफॅण्डर, डॉन बॉस्को ऑरेटरी, फातोड्डें), अस्नोडा युनायटेड (शिस्तीचो क्लब).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
