डीआरडीओन तयार केलें सगळ्यांत हलकें बुलेट प्रूफ जॅकेट
भांगरभूंय | प्रतिनिधी
नवी दिल्ली, खबरां संस्था: संरक्षण संशोधन आनी विकास संघटनेन देशांतलें सगळ्यांत हलकें बुलेट प्रूफ जॅकेट तयार केलां. संरक्षण मंत्रालयान ही म्हायती दिल्या.
पॉलिमर बॅकींग आनी मोनोलिथीक सिरॅमीक प्लेट पसून केल्ल्या ह्या जॅकेटांतल्यान ६ स्नायपर बुलेटी भितर प्रवेश करपाक पावूंक ना. मंत्रालयान म्हणलां, जॅकेटचें इन-कन्जक्शन (ICW) आनी स्वतंत्र डिझाइन सैनिकांक 7.62×54 RAPI मारिल्ल्या फारा पसून संरक्षण दितलें.
हें जॅकेट कानपूरच्या डीआरडीओच्या डिफेन्स मटेरियल अँड स्टोअर्स रिसर्च अँड डेव्हलपमेंट एस्टॅब्लिशमेंट (DMSRDE) न विकसीत केलां. ह्या जॅकेटाची चंदीगडांत तपासणी केली. सचीव, संशोधन आनी उदरगत, संरक्षण विभाग आनी अध्यक्ष, डीआरडीओहांणी हलकें बुलेटप्रूफ जॅकेट विकसीत केल्ले खातीर DMSRDE क परबीं भेटयलीं.
भारताचे लश्कर मुखेली जनरल मनोज पांडे हांणी म्हणलें, देश झुजांत फुडें सरपाक फाटीं फुडें पळोवचें ना. राष्ट्राची सुरक्षा आउटसोर्स करपाक मेळना. HAP पॉलिमर बॅकींग आनी मोनोलिथीक सिरॅमीक प्लेटपसून केलां.
संरक्षण मंत्रालयान सांगलें, एर्गोनॉमिकली डिझायन केल्लें फ्रंट हार्ड आर्मर पॅनेल (एचएपी) पॉलिमर बॅकींग आनी मोनोलिथिक सिरॅमीक प्लेटीचें. ऑपरेशना मजगतीं सैनिकांनी हें जॅकेट घालप चड सुरक्षीत आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
