भांगरभूंय | प्रतिनिधी
वाळपयः सरिता गांवकार हांणी सरपंचपदाचो राजिनामो दिले उपरांत रित्या जाल्ल्या पदाचेर नव्या सरपंचाची शुक्रारा 15 मार्चाक वेंचणूक जातली. हे संबंदांतली नोटीस पंचायत संचालकान जारी केल्या. सकाळीं 10 वरांचेर नवो सरपंच वेंचपा खातीर सगळ्या पंचांची बसका आपयल्या.
पंचायत वेंचणुके उपरांत ह्या पंचायतीच्या सरपंचपदार सरिता गांवकार हांची बिनविरोध निवड जाल्ली. अलिखीत कबलाती प्रमाण तांचो दोन वर्सांचो कार्यकाळ सोंपले उपरांत तांणी पदाचो राजिनामो दिलो. मेळिल्ले म्हायती प्रमाण निलेश परवार हांची सरपंचपदार निवड जावपाची शक्यताय आसा. हे पंचायतींत वट्ट 9 पंच वांगडी आसा. तातूंत सरिता गांवकार, तनया गांवकार, निलेश परवार, सुरेश आयकार, सुभाष गावडे, अनुष्का गांवस, सोनिया गांवकार, प्रेमिला गांवकार, विनायक गांवस हांचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.