भांगरभूंय | प्रतिनिधी
सभापतींनी सादर केलो प्रधानमंंत्र्यांंक प्रस्ताव
लोकोत्सवाच्या उक्तावणाचे प्रधानमंत्र्यांक आमंंत्रण
पणजीः ट्रायबल को ऑपरेटिव्ह मार्केटींग डेव्हलोपमेंट फेडरेशन ऑफ इंंडियाच्या (ट्रिफेड) सहकार्यान काणकोणां फुड पार्क उबारपाचो प्रस्ताव सभापती रमेश तवडकार हांंणी प्रधानमंंत्री नरेंद्र मोदी हांंकां सादर केला. श्रमधाम उपक्रमा सयत लोकोत्सवाचेर चर्चा करतना सभापती रमेश तवडकार हांंणी लोकोत्सवाच्या उक्तावणाचें आमंत्रण प्रधानमंंत्री नरेंद्र मोदी हांंकां दिलें.
सभापती रमेश तवडकार हांंणी पत्रकार परिशदेंत प्रधानमंत्री नरेंद्र मोदी हांंचे भेटीची म्हायती दिली. काणकोण मतदारसंंघांंत आदिवासी तशेंच हेर शेतकार व्हड प्रमाणांत शेती करतात. भाजयेची लागवड करतात. पणस, आंबो, अनस ह्या फळांंची लागवड जाता. भाजी तशेंच फळांंक बाजारपेठ उपलब्ध जावपाची गरज आसा. ट्रायबल को ऑपरेटिव्ह मार्केटींग डेव्हलोपमेंट फेडरेशन ऑफ इंंडियाच्या (ट्रिफेड) सहकार्यान काणकोणां फूड पार्काचो प्रस्ताव सादर केला. हाका लागून फळांं तशेंच भाजयेची निर्गत करप शेतकारांंक शक्य जातलें. प्रधानमंंत्र्यांंनी फूड पार्काच्या प्रस्तावाक सकारात्मक प्रतिसाद दिला. काणकोण मतदारसंंघांत जागो उपलब्ध आसा. हाका लागून नवे प्रकल्प सुरू जावपाक वाव आसा, अशें सभापती रमेश तवडकार हांंणी सांंगलें.
प्रधानमंंत्र्यांक दिलें लोकोत्सवाचें आमंंत्रण
आदर्श युवा संंघ दायज, संंस्कृती आनी शिक्षण वाठारांत वावर करता. दर वर्सा डिसेंबरांत आमोणें – पैंगीण हांंगा लोकोत्सवाचें आयोजन जाता. अंंदूं लोकोत्सवाच्या उक्तावणा खातीर प्रधानमंंत्री नरेंद्र मोदी हांंकां आमंंत्रण दिलांं. हेर कार्यावळी आनी वेळापत्रकांतल्यान सवड मेळ्ळी जाल्यार उक्तावणाक येवपाचें उतर प्रधानमंंत्री नरेंद्र मोदी हांणी दिलांं.
बलराम शिक्षण संंस्था तशेंच श्रम धाम उपक्रमाची म्हायती सभापतींनी प्रधानमंंत्र्यांक दिली. श्रम धाम येवजणेचे आश्रयदाते जावपाची विनवणी सभापतींंनी प्रधानमंंत्र्यांंक केल्या.
सभापती रमेश तवडकार हांंचे सयत केंद्रीय वीज राज्यमंंत्री श्रीपाद नायक, सरपंंच सविता तवडकार, आमदार गणेश गांवकार हांणी सभापती रमेश तवडकार हांंचे सयत प्रधानमंंत्र्यांंची भेट घेतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
