भांगरभूंय | प्रतिनिधी
म्हापशें, प्रतिनिधी ः ट्युशनाच्यान येवपी 17 वर्सां पिरायेचे नेण्टे चलयेचो फाटलाव करून तिचें अपहरण केल्ल्यान गजानन मनोहर मटकार (62, बस्तोडा) हाका म्हापशें पुलिसांनी अटक केल्या.
ही घडणूक 28 ऑगस्टाक सांजवेळार म्हापश्यांच्या एका मुखेल रस्त्यार घडली. यत्ता बारावी शिकपींत ही नेण्टी चली सदां भशेन सांजवेळार ट्युशन क्लास पुराय करून सदचे वटेन घरा वताली. मजगतीं, दुबावीत आपले मोटारींतल्यान थंय आयलो. ताणें मोटार थांबयली आनी चलयेक गाडयेंत ओडलें. ह्या वेळार चलयेन भियेवन गाडयेचें दार उगडपाचो यत्न केलो. उपरांत दुबावितान कांय अंतराचेर वचून गाडी थांबयली आनी चलयेक रस्त्यार सोडून थंयच्यान पळ काडलो.
चलयेन घरांत वचून हो प्रकार सांगलें उपरांत त्याच दिसा तिच्या बापायन म्हापशें पुलिशेंत कागाळ केली. ते प्रमाण पुलिसांनी दुबाविताचेर भारतीय न्याय संहितेच्या कलम 137, 127 आनी गोंय किशोर कायद्याच्या कलम 8 खाला गुन्यांव नोंद केलो. मेळिल्ले म्हायतीचे आदारुन म्हापश्यां पुलिसांनी शुक्रारा दुबावीताक अटक केली. तशेंच वापरिल्ली जीए 03 सी 9479 ही गाडी जप्त केली. निरिक्षक निखील पालेकार हांच्या फुडारपणा खाला पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
