भांगरभूंय | प्रतिनिधी
खबरां संस्था
माद्रिदः आदली वर्ल्ड नंबर टॅनीस खेळगडी गार्बाइन मुगुरुजान 30 वर्सा पिरायेचेर वेवसायीक टॅनीसांतल्या निवृत्तीची घोशणा केली. फाटलो बरोच तेप तें टॅनीसा पसून पयस आशिल्लें. जानेवारी 2023 सावन तें टॅनीस खेळूं नाशिल्लें. शेनवारांक माद्रिदांत आयोजीत केल्ले एके पत्रकार परिशदेंत ताणे आपली निवृती घोशीत केली. वेवसायीक टॅनीसांतल्यान निवृत्ती घेवन जिणचो नवो अध्याय सुरू करपाचो वेळ आयला अशें ताणे सांगलें.
विलियम्स भयणींक ग्रँड स्लॅमांचे फायनलींत हारोवपी मुगुरुजा पयलीच एकसुरू टॅनीस खेळगडी आशिल्ली. ताणे 2016 वर्सा फ्रेंच ओनपाचे फायनलींत सेरेना विलियम्साक आनी 2017 वर्सा बिम्बलंडाच्या फायनलींत विनस विलियम्साक हारोवपाची कामगिरी करून दाखयल्ली.
स्पॅनीश खेळगडी मुगुरुजान आपल्या टॅनीस कारकिर्दींत 10 किताबी लडती आपल्या नांवार केल्ल्यो. 2015 वर्सा बिम्बलंडन आनी 2020 वर्सा ऑस्ट्रेलियन ओपनांत तें उप जैतिवंत आशिल्लें. 1998 उपरांत फ्रेंट ओपन जिखपी ते पयलें स्पॅनीस खेळगडी आशिल्लें. मुगुरुजाचो बापूय स्पॅनीस जाल्यार आवय व्हेनेंजुएलाची आसा. बार्सिलोनात ताणे टॅनीस प्रशिक्षण घेतलें. 2016 वर्सा फ्रेंट ओपन सर्त ताणे जिखल्ली. 1998 वर्सा फ्रेंट ओपनांत आरांत्सा सांचेस विकारियाो उपरांत ग्रँड स्लॅम किताब जिखपी मगुरुजा पयली स्पॅनीस बायल थारल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
