भांगरभूंय | प्रतिनिधी
राष्ट्रीय क्रिकेट अकादमीचे प्रशिक्षक सितांषू कोटक, साईराज बहुतुले आनी मनीष बाली हांचे कडेन टीम इंडियाच्या सहाय्यक स्टाफाची जापसालदारकी सोंपयल्या. म्हयन्याचे अखेरेक जावपी आयर्लेण्ड पंगडा आडचे दोन टी-20 मॅचींचे माळे खातीर राष्ट्रीय क्रिकेट अकादमीचे अध्यक्ष आनी आदले टॅस्ट खेळगडे व्ही व्ही एस लक्ष्मण हाका मुख्य प्रशिक्षकपदाची जापसालदारकी सोंपयल्या.02
भारत अ पंगडाचे वांगडी आशिल्ले कोटक हे टीम इंडियाचे बॅटींग प्रशिक्षक आसतले. जाल्यार अंदूं जाल्ले 19 वर्सां पिराये सकयले संवसारीक करंड सर्तीचें वस्तादपण जोडपी भारताच्या पंगडाचे सहाय्यक स्टाफाचे वांगडी बाली आनी बहुतुले हांचे कडेन वळेरेन फिल्डींग आनी बॉलिंगेची जापसालदारकी दिल्या.
भारत 26 आनी 28 जूनाक आयर्लेण्डांत दोन मॅची खेळटलो. ते खातीर लक्ष्मण पंगडाचो मुख्य प्रशिक्षक आसतलो.
राहुल द्रविड आनी सहाय्यक स्टाफाचे हेर सिनीयर खेळगडे ह्या सप्तकांत इंग्लंडाचे भोंवडेर वतले. ताका लागून बाली, साईराज आनी कोटक दक्षीण आफ्रिके आडचे चवथे आनी पांचवे टी-20 मॅचींत टीम इंडियाच्या सहाय्यक स्टाफाची सुत्रां हातांत घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.