भांगरभूंय | प्रतिनिधी
टीबी हो फुफ्फुसांचो संसर्गजन्य दुयेंस. मायकोबॅक्टेरियम ट्यूबरक्युलोसिस नांवाच्या बॅक्टेरियाक लागून हो दुयेंस जाता. खोंकली आनी शिंक हांचे पसून हो एका मनशाकडल्यान दुसऱ्या मनशाक पातळटा. ताचीं लक्षणां सुरवेक वळखप कठीण आसता. ताचेर उपचार करपा खातीर बाजारांत जायतीं वखदां आनी प्रतिजैव वखदां मेळटात.
भलायकी तज्ञांच्या मतान हो दुयेंस जावचो न्हय म्हूण रोगप्रतिकार शक्त घट करप खूब गरजेचें. टीबी दुयेंसाक कांय घरगुती उपाय खूब फायदेशीर थारूंक शकतात, जाका लागून ताचो परिणाम उणो जावंक शकता.
टी.बी. दुयेंसाची लक्षणां
ह्या दुयेंसांत तुमकां 3 म्हयन्यां परस चड काळ खोंकली येवंक शकता. जोर, थंडी, कुडींत दुखप अश्यो हेर समस्या जावंक शकतात. हाचे भायर पोटांत दुखप, सांदे दुखप, भ्रम निर्माण जावप, सतत तकली दुखप, घुंवळ येवप अशा लक्षणांवेल्यान टी.बी. दुयेंस वळखु येता.
टी.बी चेर करात हे घरगुती उपाय…
लसूणः आहारांत लसणाचो आस्पाव केल्यार भलायके खातीर फायदेशीर मानतात. हाचे भायर टीबी दुयेंसाचेर उपचार करपाकय तो प्रभावी थारता. तातूंत सल्फ्यूरिक अॅसिड आसता, जें टीबीच्या बॅक्टेरिया आड झुजपाक मजत करता.
जीवनसत्व डी: हें जीवनसत्व टीबी दुयेंतींक बरे जावपाक मजत करता. तांतयां, दूद, नुस्तें आनी कॉड लिव्हर तेलांतल्यान जीवनसत्व डी मेळचा. हाचे वांगडाच टीबीच्या दुयेंतींनी दर दिसा सकाळीं कांय वेळ वताक बसपाक जाय. हाका लागून तांच्या कुडींतल्या जीवनसत्व डीचो उणावूय पुराय जाता.
अक्रोड: अक्रोडांत पोशक तत्वां भरपूर आसतात. तातूंत ओमेगा 6, जीवनसत्व बी, जीवनसत्व सी, जीवनसत्व के आनी जीवनसत्व बी 12 आसता. ताका लागून निरोगी लिपिडाची पुरवण वाडटा. दर दिसा हें खाल्यार रोगप्रतिकार शक्त घट जाता.
संत्रां: संत्रां जीवनसत्व सी आनी अँटीऑक्सिडंट हांचो एक खजिनो. संत्रांचो रोस टीबी दुयेंतींक खूब फायदेशीर मानतात. तशेंच छातींतलो कफ काडून उडोवपाकय ताचो फायदो जाता. अँटीऑक्सिडंट भरपूर आशिल्ल्यान हेर संसर्गजन्य दुयेंसा पासूनय राखण दिता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
