भांगरभूंय | प्रतिनिधी
भांगरभूंय । प्रतिनिधी
मुरगांवः मुरगांव पत्रकार लेखक संघान जेश्ठ नागरिकां खातीर आयोजीत केल्ल्या 15 वे चलपाचे सर्तींत 60 ते 70 वर्सा पिरायेच्या गटांत सुरेश फडते, (आल्त दाबोळी) आनी 70 वर्सा पिराये वयल्या गटांत सखाराम भगत (मायमोळे) आनी 60 वर्सा पयल्या बायलांच्या गटांत परपेच्यूआ फर्नांडीस ( काणकोण) हांणी पयलीं इनामां मेळयलीं.
नामनेचो सिने अभिनेतो मिलिंग गुणाजी, वास्कोचो आमदार कृष्णा साळकार आनी मुरगांवचो आमदार संकल्प आमोणकार हांणी बावटो दाखोवन सर्तीक सुरवात करून दिली.
निकाल फुडले भशेन (60 तें 70 वर्सा दादले) पयलें इनाम – सुरेश फडते (आल्त दाबोळी), दुसरें – उदय नायक (वास्को) तिसरें – अरुण आजगांवकर (बेलाबाय). 70 वर्सां पयले दादले:- पयलें इनाम – सखाराम भगत (मायमोळे), दुसरें – श्रीकांत कळंगुटकार (वास्को), तिसरें – पुंडलीक डिचोलकार (वास्को). बायल गटः पयलें – पेरपेच्युआ फर्नांडीस (काणकोण), दुसरें – सुनंदा नायक (वास्को) तिसरें – जयश्री धुरी (वास्को).
तिनूय गटांत मेळून 26 सर्तकांनी वांटो घेतिल्लो. आमदार साळकार, आमोणकार आनी मिलिंद गुणाजी रात्रीचा खेळ चाले फेम अभ्यंकर नायक हाचें हाजेरेंत इनामां भेटयलीं. उद्देजक उमेश साळगांवकार, नगराध्यक्ष लिओ रॉड्रीक्स, संजय सातार्डेकार, चिखली पंचायत सरपंच कमला प्रसाद यादव, उपनगराध्यक्ष अमेय चोपडेकर ह्या वेळार हाजीर आशिल्ले, सुरवेक पत्रकार संघाचो अध्यक्ष . सुनील शेट हाणे सगल्यांक येवकार दिलो. मिलिंद काकोडकारान सूत्रसंचालन केलें आनी संतोष खोर्जुवेकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.