भांगरभूंय | प्रतिनिधी
चेन्नय जावपी 44वे बुद्दीबळ ऑलिम्पियाड जागृती निमतान आयोजीत केल्ले गोंय राज्य पांवड्या वयले 15 वर्सां पिराये सकयले शालेय बुद्दीबळ सर्तीच्या उक्त्या गटांत शारदा मंदिराच्या जॉय काकोडकारान जाल्यार चलयांच्या गटांत आल्मेदा हायस्कुलाचे नेत्रा सावयकार हिणें वस्तादपण जोडलें.
तिसवाडी तालुका चेस असोसिएशनान गोंय बुद्दीबळ अस्थायी समिती, अखील भारतीय बुद्दीबळ म्हासंघ हांचे मान्यतायेन आनी कुजिरा-बांबोळेच्या डॉ. के ब हेडगेवार विद्यालयाच्या सहकार्यान सर्त आयोजीत केल्ली.
उक्त्या गटांत जॉयान णव फेरयांतल्यान आठ गूण मेळयले. जाल्यार नेत्रान जबरदस्त प्रदर्शन करतना सगल्या णवूय फेरयांनी जैत जोडलें. किंग्स स्कुलाचे विद्यार्थी एथन वाझ आनी एड्रीक वाझ ह्या भावांचे समान साडेसात गूण जाले. तांकां उक्त्या गटांत टायब्रेकरा उपरांत वळेरेन दुसरी आनी तिसरी सुवात फावो जाली.
चलयांच्या गटांत केंद्रीय विद्यालयाची अस्मिता रे हिका दुसरी, मनोविकास हायस्कुलाची दिया सावळ हिका तिसरी सुवात फावो जाली.
उक्त्या गटांत व्हिव्हान बाळ्ळीकार, साईरुद्र नागवेंकार, अनिकेत एक्का, हर्ष नागवेंकार, ह्रदय मोरजकार, अथर्व नारायण, चैतन्य गांवकार, नवल सावंत, साईराज नार्वेंकार, ऋत्विक रायकार, वेदांत आंगले, कविश बोरकार, लव्ह काकोडकार, अवनीश सावंत, सरस पोवार, सर्वांग पाडी, राघव लाड, अर्थ शेणवी कारापूरकार, अर्विन आल्बुकेर्क, अभीर प्रभू, शूभ बोरकार, श्रेयश हवाल हांकां वळेरेन चवथी ती 25वी सुवात फावो जाली.
चलयांच्या गटांत आर्या दाभोळकार, अलाना आंद्राद, श्रीया पाटील, वैष्णवी परब, आर्या दुबळे, वालंका फर्नांडीस, लिया सिल्वेरा, जेनिसा सिक्वेरा, सईजा देसाय, श्री घाणसेकार, पुष्टी भोसले, शुब्रा आचार्य, आरवी नायक, सय्यद महादिया, नव्या नार्वेंकार, श्रमा मोरुडकार, रिद्धी गावडे, साची गायक, रिधिमा परब, जेन्सिना सिक्वेरा, सिद्धी नायक आनी मैझा सय्यद हांकां वळेरेन चवथी ती 25वी सुवात फावो जाली.
इनाम भेटवण सुवाळ्याक ग्रॅण्डमास्टर अनुराग म्हामल, डॉ. के ब हेडगेवार विद्यालयाचे मुख्याध्यापक विलास सतरकार, सर्त संचालक महेश कांदोळकार, बुद्दीबळ अस्थायी समितीचीं वांगडी अर्चना तेंडुलकार, तशेंच आशेश केणी, डॉ. सुशांत धुळापकार, सत्यवान हरमलकार, अॅड. तुकाराम शेटये, दत्ताराम पिंगे, अरविंद म्हामल, शिरीष दिवकार, आतिश आंगले, नंधिनी सारिपल्ली-म्हामल उपस्थीत आशिल्लीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
