भांगरभूंय | प्रतिनिधी
नवी दिल्ली, खबरां संस्था ः फुडल्या जुनांत १४ दीस बँकांनी काम जावचें ना. वेगवेगळ्या कारणांक लागून देशांतल्या वेगवेगळ्या सुवातींनी ३ दीस बँकांनी कामां जावचीं ना. हाचे भायर ५ आयतारा आनी २ शेनवारा बँको बंद उरतल्यो.
म्हयन्याची सुरवात सुटयेन जातली. बकरीद/ ईद-उल-अझा निमतान १७ जुनाक देशभरांतल्यो बँको बंद उरतल्यो. तशेंच १८ जून दिसा जम्मू- श्रीनगरांत बँको बंद उरतल्यो.
बँको बंद आशिल्ले जून म्हयन्यांतले दीस
२ जून-आयतार-सगळे कडेन
८ जून- दुसरो शेनवार- सगळे कडेन
९ जून – आयतार – सगळे कडेन
१५ जून- राजसंक्रांती आयझोल आनी भुवनेश्वर
१६ जून- आयतार- सगळे कडेन
१७ जून- बकरीद/ ईद- उल- अझा- सगळे कडेन
१८ जून- बकरीद/ ईद- उल- अझा -जम्मू आनी श्रीनगर
२२ जून-चवथो शेनवार- सगळे कडेन
२३ जून – आयतार -सगळे कडेन
३० जून-आयतार- सगळे कडेन
ऑनलायन बँकींग वरवीं कामां जातलीं
बँक सुटी आसून लेगीत ऑनलायन बँकिंग आनी एटीएम वरवीं पयशांचे वेव्हार करपाक वा हेर कामां करपाक मेळटात. बँक सुटयेचो ह्या सुविधांचेर परिणाम जावचो ना.
११ दीस शेअर मार्केटांत ट्रेडींग जावचें ना
जून २०२४ वर्सा ११ दीस शेअर मार्केटांत ट्रेडींग जावचें ना. १० दीस शेनवार आनी आयतारा कसलोच वेव्हार जावचो ना. हाचे भायर बकरी ईदाक म्हळ्यार १७ मेक शेअर मार्केंट बंद जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
