भांगरभूंय | प्रतिनिधी
पणजी, बातमीदार ः बांबोळेंच्या गोंय मेडिकल कॉलेज हॉस्पिटलांत वॉर्ड क्रमांक 142 त सेवा दिवपी दोतोराक गाळयो संवून मारपेट केल्ल्या प्रकरणांत आगशी पुलिसांनी दोगी बायलां आड गुन्यांव नोंद केला.
पुलिसांनी दिल्ले म्हायती प्रमाण, ह्या प्रकरणांत डॉ. शुभम प्रभुदेसाय हांणी दाखल केल्ले कागाळी प्रमाण 22 तारखेक सांजवेळा 7 वरांचेर कागाळदार वॉर्ड क्रमांक 142 त आपत्कालीन सेवा दिता आसतना एका दुयेंतीच्या सोयऱ्यांतल्या दोगी बायलांनी वाद घालून गाळयो संवल्यो. हाचे भायर कागाळदाराक धक्काबुक्की केली. कागाळदाराक सेवा दितना मदीं आडखळ हाडली. हे संबंदीं आगशी पुलिशेंत कागाळ दाखल केल्या. हाची दखल घेवन आगशी पुलीस उपनिरिक्षक स्वप्नील नायक हांणी ह्या बायलां आड गुन्यांव नोंद करून फुडलो तपास सुरू केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
