भांगरभूंय | प्रतिनिधी
पणजी : बांबोळेच्या जीएमसींत नोकरी दिवपाचें उतर दिवन पयशे घेतिल्ल्या प्रकरणांत फोंडें पुलिसांनी आनीक एकल्याक अटक केल्या. सुभाष सीताराम नायक (दिवचल) अशें अटक केल्ल्याचें नांव. ताचे कडल्यान सविस्तर म्हायती घेतात.
ह्यान पयलीं सरकारी नोकरी दिवपाचें उतर दिवन खुबश्यां कडल्यान पयशे घेवपाच्या प्रकरणांत फोंडें पुलिसांनी एके बायलेक अटक केल्ली. बांबोळेच्या गोंय वैजकी महाविद्यालयांत नोकरी दिवपाचें उतर दिवन पयशे घेतिल्ल्याची कागाळ तिगांनी फोंडें पुलिसां कडेन केल्ली. पयशे घेतले, मात मागीर नोकरी आनी पयशेय दिवंक ना. हे विशीं कागाळ केले उपरांत पुलिसांनी तपास करून सुभाष नायक हाका अटक केली. हे विशीं फोंडें पुलीस फुडलो तपास करतात.
मजगतीं, ह्यान पयलीं एके बायलेक अटक केल्ली. खुबश्या जाणांक तांणी नोकरी दितां अशें सांगून फटयिल्ल्यांच्यो कागाळी आयल्यात. बरेच जाण कागाळी करपाक मुखार सरिल्ल्याची म्हायतीय सुत्रांनी दिली. ताका लागून ह्या प्रकरणांत आनीक कागाळी नोंद जावपाची आनी आनीक कांय जाणांक अटक जावपाची शक्यताय उक्त्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
