जिनो, पणजी जिमखाना, एमसीसी सेमींत

भांगरभूंय | प्रतिनिधी

पणजी जिमखानान आयोजीत केल्ले बांदोडकार करंड टी-20 क्रिकेट सर्तींत जिनो क्रिकेट क्लब, पणजी जिमखाना आनी एमसीसी हांणी सेमी फायनलींत सुवात मेळयली. सर्तीचें आयोजन बांदोडकार क्रिकेट मैदानाचेर केलां.

सेगीत दोन हारींक लागून धेंपो क्रिकेट क्लबाचें आव्हान सोंपलें. आयज साळगांवकार क्रिकेट क्लब आनी चौगुले स्पोर्ट्स क्लब हांचे मदीं मॅच जातली. हातूंत जैतिवंत थारपी क्लब सेमी फायनलींत सुवात मेळयतलो.

काळ खेळयिल्ले पयले लडतींत जिनो क्रिकेट क्लबान धेंपो क्रिकेट क्लबाक 4 विकेटींनी जाल्यार दुसरे लडतींत पणजी जिमखानान साळगांवकार क्रिकेट क्लबा आड 6 विकेटींनी जैत जोडलें.

थोडे भितर धांवतकटोः धेंपो क्रिकेट क्लब, 20 ओव्हरींनी 8 बाद 163 धांवड्यो (अझान थोटा 12, पुनीत मिश्रा 59, विकास सिंग 11, सोहन पानवलकार नाबाद 46 धांवड्यो, मोहीत रेडकार 2-22, दर्शन मिशाळ 1-49, मेहांक धारवाडकार 3-28) हार आड जिनो क्रिकेट क्लब, 18.1 ओव्हरींनी 6 बाद 164 धांवड्यो (आनंद तेंडुलकार नाबाद 56, पुखराज मान 50, दर्शन मिशाळ 16, वासू तिवारी 25 धांवड्यो, रोहन बोगाटी 2-20, विकास सिंग 2-17, पुनीत मिश्रा 1-39).

साळगांवकार क्रिकेट क्लब, 20 ओव्हरींनी 9 बाद 141 धांवड्यो (आदित्य सुर्यवंशी 34, प्रथमेश गांवस 53, दीपराज गांवकार आनी अंकीत चौधरी दरेकी 10, आर्यन नार्वेंकार 15 धांवड्यो, अमित यादव 5-16, रोहन राजे 2-36, समीत आर्यन मिश्रा आनी सोहराब धालिवाल दरेकी 1 विकेट) हार आड पणजी जिमखाना, 18.1 ओव्हरींनी 4 बाद 145 धांवड्यो (इशान गडेकार 41, जय आहुजा 10, स्नेहल कवठणकार नाबाद 54, सोहराब धालिवाल 23 धांवड्यो, दीपराज गांवकार, अंकीत चौधरी, शिवम चौधरी आनी पुंडलीक नायक दरेकी 1 विकेट).