भांगरभूंय | प्रतिनिधी
घरांत कसलोय पोरणो 4 जी फोन आसल्यार तुमी जिओफोन नेक्स्टाचेर 2000 रुपयांची सूट सहज मेळोवपाक शकता. रिलायन्स रिटेलान मर्यादित काळा खातीर जिओफोन नेक्स्ट ‘एक्सचेंज टू अपग्रेड’ ऑफर लाँच केल्या. जिओफोन नेक्स्टाचें मोल 6499 रुपया आसा. जें डिस्कावंटा उपरांत 4499 रुपया जातलें.
सवलतीचो लाव घेवपाक, तुमकां लागींच्या जिओमार्ट आनी रिलायन्स डिजिटल स्टोराक भेट दिवची पडटली. थंय 4G फोन दिवन तुमकां 6599 रुपयांचो फोन 4499 रुपयांक मेळटलो.
जिओफोन नेक्स्ट लाँच करतना, रिलायन्स इंडस्ट्रीजाचे सीएमडी मुकेश अंबानी हांणी सांगलें, की “ज्या भारतीयांक इंग्लीश वाचपाक येना, तांकां ती स्वताचे भाशेंत अणकारीत करपाक मेळटा. आमी इंडिया आनी भारत हांचे मदलें देंगण उणे करतात.
या स्मार्टफोनांत बरीं फीचर्स आसात. कॅमेऱ्यांत अणकाराचें खाशेलेंपण आसा. ट्रान्सलेशन फीचराच्या माध्यमांतल्यान खंयचेय भाशेंतलो मजकूर फोटो काडून तुमी स्वताचे भाशेंत अणकारीत करपाक शकतात. आयकपाकूय शकतात. जिओफोन नेक्स्टांत मॅन्युअल टायपिंगाची अडचण ना. लाइव्ह ट्रान्स्क्राइब अॅप वापरून तुमी स्वताचे भाशेंत टायप करपाक शकतात.
फोनाचीं खाशेलेंपणा
स्क्रीन – 5.45 इंच एचडी, कॉर्निंग गोरिल्ला ग्लास, जिओ आनी गुगल प्रीलोडेड अॅप्स, प्रगती ऑपरेटिंग सिस्टम, ड्युअल सिम, ऑटोमॅटिक सॉफ्टवेअर आनी सिक्युरिटी अपडेट्स, अँटी फिंगरप्रिंट कोटिंग, 13 मेगापिक्सेल रिअर कॅमेरा, 8 मेगापिक्सेल फ्रंट कॅमेरा, बॅटरी 3500 mAh, प्रोसेसर स्नॅपड्रॅगन QM 215, 2GB RAM, 32GB इंटर्नल मेमरी, 512GB मेरेन स्टोरेज, ब्लूटूथ, वायफाय, हॉट स्पॉट, OTG सपोर्ट, G सेन्सर, लाइट सेन्सर, प्रॉक्सिमिटी सेन्सर.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
