जात, धर्म, वाठारा मदीं भेदभाव करीनासतना भाजपान केली देशाची उदरगत : मुख्यमंत्री
भांगरभूंय | प्रतिनिधी
पणजी, प्रतिनिधी : जात, धर्म, वाठार असो कसलेच तरेचो मात पसून भेदभाव करी नासतना प्रधानमंत्री नरेंद्र मोदी हांच्या फुडारपणा खाला भाजपा सरकार अंत्योदय तत्वाचेर देशाची उदरगत करता. हाका लागून भाजपाक सगल्या धर्माच्या लोकांचो तेंको आसा. देखून अब की बार चारसो पार ही घोशणा प्रत्यक्षांत येवप सहज शक्य आसा, असो विस्वास मुख्यमंत्री डॉ. प्रमोद सावंत हांणी उक्तायला.
रत्नागिरी- महाराष्ट्र हांगा कार्यकर्त्याचे सभेंत मुख्यमंत्री उलयताले.
डॉ. सावंत हांणी आयतारा रत्नागिरी, सिंधूदुर्ग वाठारांत प्रचार केलो. सकाळीं गणपती पुळे हांगा गणपतीचें दर्शन घेतलें उपरांत रत्नागिरी स्वातंत्र्यवीर सावरकर जे बंदखणींत ख्यास्त भोगताले, त्या थळाक भेट दिली.
रत्नागिरी मतदारसंघांत भाजपाचें जैत निश्चीत आसा. छत्रपती शिवाजी महाराज आनी स्वात्रंत्र्यवीर सावरकर हांचो उगडास करुन डॉ. सावंत हांणी भाशणाक सुरवात केली. फाटल्या सप्तकांत मुख्यमंत्र्यानी मावळ आनी रायगड मतदारसंघांत प्रचार केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
