भांगरभूंय | प्रतिनिधी
मडगांवः जांबावलेचो गुलाल 2 एप्रीलाक जातलो. मठग्रामस्थ हिंदी सभे वतीन मडगांवा केणी हांच्या घरा जाल्ले पुजे उपरांत पवित्र नाल्लाची मिरवणूक मडगांवच्यान काडली. हो नाल्ल जांबावलेच्या दामोदर मंदिरांत व्हेलो.
मडगांवच्या केणी हांच्या घरांत बुधवारा जांबावलेच्या पवित्र नाल्लाची पुजा केली. बिरेस्तारा सांजे वेळार ह्या नाल्लाची वाद्यांच्या तालांत मिरवणूक काडून तो जांबावलेच्या देव दामोदराच्या मंदिरांत व्हेलो.
मठग्रामस्थ हिंदू सभेचे अध्यक्ष भाई नायक हांणी सांगलें, मडगांवच्या शिगम्याक 500 परस चड वर्सां जाल्या. मठग्रामस्थ हिंदू सभेचो हो 110 वो शिगमो. बुधवारा हळदोणें जालें आतां ह्या नाल्लाची मिरवणूक काडून जांबावले वाजत- गाजत व्हरतात. जांबावले नाल्ल व्हेले उपरांत धर्मीक विधी, राती वेळार नाटक जातलें. आयतारा मेरेन विवीध नाटकांचें सादरीकरण आनी कार्यावळी जातल्यो. सोमारा भोवढंगी भेस, नाच सर्त आनी लावणीची कार्यावळ जातली. 2 एप्रीलाक जांबावलेचो नामनेचो गुलाल दनपारां 3.30 वरांचेर सुरू जातलो. हे कार्यावळीक सगळ्यांनी येवचें, अशें विनवणी नायक हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
