भांगरभूंय | प्रतिनिधी
फोंडें, प्रतिनिधी: जांबळीकडे- कुर्टी आयतारा सकाळीं लायटीच्या सरयांचो शॉक लागून गव्याक मरण आयलें. फोंडें रान विभागाच्या अधिकार्यांनी घडणुके सुवातेर वचून पंचनामो केलो.
मेळिल्ले म्हायती प्रमाण, पावसांत लोक कुर्टी वाठारांत व्हडा प्रमाणांत विंगड विंगड भाज्याची लागवड करतात. आयतारा सकाळीं एका भाजयेच्या मळ्यांत गवो मरण आयिल्ले अवस्थेंत सांपडलो. थळाव्यांनी पळोवणी केली तेन्ना लागसारच्या लायटीच्या खांब्याची सरी गव्या लागसारा पडिल्ली सांपडली. हे विशीं थळाव्यांनी रान अधिकार्यांक म्हायती दिले उपरांत मरण आयिल्ल्या गव्याची दोतोरा कडल्यान तपासणी करून घेतली. दोतोरान गव्याक शॉक लागून मरण आयिल्ल्याचें सांगलें. उपरांत गव्याक मातयेंत पुरलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
