भांगरभूंय | प्रतिनिधी
जल्म प्रमाणपत्र हो दरेका भारतीय नागरिका खातीर खूब म्हत्वाचो दस्तावेज. जल्म तारीख आनी सुवात सांगपी म्हत्वाचें वळखपत्र. वेगवेगळ्या सरकारी येवजण्यांचो आनी फायद्यांचो लाव घेवपा खातीर जल्म प्रमाणपत्र हो एक म्हत्वाचो दस्तावेज. आधार कार्ड, शाळेंत प्रवेश मेळोवपाक, मतदार कार्ड, लग्न नोंदणी, पासपोर्ट मेळोवपाक जल्म प्रमाणपत्र म्हत्वाचो पुरावो.
भुरग्याच्या जल्मा उपरांत 21 दिसां भितर जल्म प्रमाणपत्रा खातीर अर्ज करचो पडटा. जल्म प्रमाणपत्र मेळोवपाची ऑनलायन आनी ऑफलायन प्रक्रिया आनी ताचे खातीर लागपी कागदपत्रां विशीं जाणून घेवूया.
जल्म प्रमाणपत्र मेळोवपा खातीर गरजेची कागदपत्रां?
० पालकांचे वळखपत्र
० जल्माची सुवात पुरावो (हॉस्पिटल पावती)
० आवय-बापायचें लग्न प्रमाणपत्र
जल्म प्रमाणपत्र उसरां करपा खातीर गरजेची कागदपत्रां..
० अर्जदाराचें वळखपत्र
० शाळा सोडपाचो दाखलो
० पालकांचे वळखपत्र
० जल्म जाल्ल्या हॉस्पिटलाचे प्रमाणपत्र
० जल्म हॉस्पिटलांत जालो ना जाल्यार पालकांचे प्रतिज्ञापत्र
जल्म प्रमाणपत्र ऑफलायन काडपाची प्रक्रिया
ऑफलायन जल्म प्रमाणपत्र मेळोवपा खातीर ग्राम पंचायत, पालिका वा म्हानगरपालिका कार्यालयांत वचून थंयच्यान फॉर्म घेवचो पडटलो. त्या फॉर्मांत दिल्ली सगळी म्हायती भरची पडटली. नोंदणी केल्या उपरांत फॉर्मा वांगडा गरजेची सगळी कागदपत्रां जोडून फॉर्म सबमिट करात.
जल्म प्रमाणपत्र ऑनलायन मेळोवपाची प्रक्रिया…
० जल्म प्रमाणपत्र मेळोवपा खातीर अधिकृत सरकारी संकेतथळार वचात.
० त्या संकेतथळार सायन इनचेर क्लिक करात. म्हायती योग्य भरात, कॅप्चा कोड घालात आनी नोंदणीचेर क्लिक करात.
० तुमकां ईमेल वरवीं युजर आयडी आनी पासवर्ड मेळटलो.
० तो युजर आयडी आनी पासवर्ड वापरून लॉगीन करात.
० मागीर एक पान उगडटलें. थंय बर्थ ह्या पर्यायाचेर क्लिक करात आनी अॅड बर्थ रजिस्ट्रेशन हाचेर क्लिक करात.
० त्या फॉर्मांत विचारिल्ली सगळी म्हायती नांव, जल्म तारीख, पत्तो, आवयचें नांव, बापायचें नांव योग्य रितीन भरून सेव्ह करात.
० मागीर गरजेच्या दस्तावेजांची फोटो कॉपी स्कॅन करून अपलोड करात आनी सेव्ह करात.
० ते उपरांत तुमकां अर्जाचो प्रिव्ह्यू दिसतलो, तेन्ना सगळी म्हायती बरोबर आसा काय ना तें तपासात.
० उपरांत तुमी सबमिट केल्या उपरांत तुमकां ऑनलायन अर्जाची पावती मेळटली. ताची प्रिंट काडून दवरात.
० अर्ज केल्या उपरांत एका सप्तका भितर तुमकां जल्म प्रमाणपत्र मेळटलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
