भांगरभूंय | प्रतिनिधी
आज एका शूर वीराची काणी सांगता.
सांग बेगीन मागीर वेळ जाता. आमकां इश्टांक सांगपाक मेळटा.
देव बरें करुं.
दुस्मानान गुळयो मारपाक सुरुवात केली. खंयच्यान गुळी मारता कळना जालें. दिश्टी पडनाशिल्लें? रात जाल्ली… सगलो काळोख. आमचे शिपायाक दोंगुल्लेचे सकल आशिल्ले. दुस्मानाच्या शिपायाक वयर टाॅपार. तकलेक बांदिल्ली उजवाडाचे दिव्याचेर तांकां आमचे शिपाय सारके दिसताले.
म्हणल्यार आमचे शिपायक मरताले? बरोबर, रायन.
आमचे काय सैनिक शहीद जाले, हें पळोवन सैन्याच्या मुखेल्यान मांडणी काडली. तकलेक बांदिल्ली हेड लायटीक लागूनच हें घडटा. रावात सगळे… एके सुवातेर. मुखेल्यान फर्मान सोडले.
मागीर कितें केले ?
ही पळया मेंढरां.
म्हळ्यार…बोकड्यो तशीं मेंढरा म्हणल्यार शिप.
तांचो कितें उपेग? टिनान विचारलें
तुमच्यो सगळ्यो हेड लायटी मेंढरांच्या तकलेक बांदात. शिपायाक खोशी जाले.
यस सर… म्हणत चाळीसूय जाणांनी हेड लायट्स बांदून मेंढरांक एके वटेन धांवडायलीं.
शिपाय मात काळखांतल्यान दोन वाटांनी चलत वयर पावले. दुस्मान शिपायांनी मेंढरांचेर फार पेटयत रावले. आनी आमचे सैनिक शिपाय दुस्मानाच्या शिपायांचेर.
काळखांक तांका दिसलें ना? एकार एक प्रस्न… रायन, रिना, प्रणव मांडणीच केल्ली मुखेल्यान. दुस्मानाच्या शिपायकांक आमच्या शिपायांक वयर दोंगुलेचेर चडटा अशें दिसलें.
म्हळ्यार मेंढरा मेली.
हय आनी आमच्या शिपायांनी फार पेट करूंन ती सुवात मेळयली.
व्वा! जयहिंद म्हणलें शायनान.
आमच्या मुखेल्यान तिरंगा दोंगुलेचेर लायलो. हुबयलो. वंदे मातरम म्हणलें बावलेन.
काय बरी मांडणी न्हय? रायनान म्हणलें. सगळ्या उरिल्ल्या शिपायांनी जय हिंद, वदें मातरम् म्हूण मेजराक वयर खांद्यार उबारलो. शिपायांनी सकल देंवलें बाराबर मेढरांक बांदिल्ल्यो हेड लायट्स काडल्यो. ‘भारत माताकी जय’ म्हणीत नेटान उबारिल्ल्या झेंड्याक सलाम केलो.
परत आयले सगले…?
हय, ही खबर भारतीय सैन्याक कळ्ळी. सेनादलाच्या वतीन मुखेल्याचो भोवमान, जालो.
अशें…. आमचे हुशार शिपाय… मुखेली. जय हिंद.. भारत माता की जय. म्हळें बावलेन.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
