भांगरभूंय | प्रतिनिधी
जगदलपूर, खबरां संस्था: छत्तीसगढच्या नारायणपूर जिल्ह्यांतल्या सुरक्षा दळाच्या तळाचेर दोन दीस आदीं नक्षलवाद्यांनी हल्लो केल्लो. ताचो व्हिडियो आयज व्हायरल जाला. तातूंत सैनीक हातांत शस्त्रां घेवन हांगा थंय धांवतना दिसता. नक्सलींनी सैनिकांचेर फारपेट केलो. जातूंत एक सैनीक वाटावलो.
नक्षलवाद्यांनी पुलीस कॅम्पार हल्लो केल्लो. कांय दिसां आदींच ताचें उक्तावण जाल्लें. दोन दीस आदीं सांजवेळार नक्षलवाद्यांनी कॅम्पाचेर हल्लो केल्लो अशें म्हण्टात. रानाचे वटेनच्यान हो फारपेट जातालो. जवानांनी नक्षलवाद्यांच्या गुळयांचो प्रतिकार केलो
मजगतीं, बॅरेकांत हाजीर आशिल्ल्या कांय जवानांनी नक्षलवाद्यांच्या हल्ल्याचो व्हिडियो तयार केलो. आतां तो सोशल मिडियाचेर व्हायरल जाला.
व्हिडियोंत कितें आसा
सुमार २ मिनटांच्या ह्या व्हिडियोंत सैनीक कॅम्पाच्या भितर धांवतना दिसतात. त्याच वेळार नक्षलवाद्यांनी बीजीएलाचेर फारपेट केलो. थंयच्यान ३ सैनीक भायर सरले. फारपेटांतल्यान एक सैनीक वाटवलो. तशेंच व्हिडिओंत गुळयांचो आवाज आयकूंक मेळटा. जवानांच्या कारवायेक लागून नक्षलवादी पळून गेले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
