भांगरभूंय | प्रतिनिधी
वाळपय, प्रतिनिधी ः गोंय ते बेळगांव येरादारी खातीर चोर्ला घांट मार्ग खूब म्हत्वाचो. पूण पावसाच्या दिसांनी ह्या रस्त्याचेर जायत्यो आडखळी निर्माण जातात. वादळी वाऱ्याच्या पावसाक लागून रस्त्यार झाडां कोसळून येरादारी खातीर रस्तो बंद उरता. गोंय बेळगांव मजगतीं चोर्ला घाट वाठारांत 110 धोक्याची झाडां आसात. हे संबंदी सर्वेक्षण केला. उपजिल्लोधिकारी ही धोक्याची झाडां कापपा संबंदी विचार करुन निर्णय घेतले. धोक्याची आशिल्ली झाडां कापतले जाल्यार हेर झाडांच्यो खांदयो कापतले.
हालीं जाल्ले आपत्कालीन बसकेंत हाचेर सविस्तर विचार करून हे विशीं चर्चा जाली. रान खात्यान हे संबंदी सर्वेक्षण केल्या उपरांत खंयच्याय खिणाक धोक्याचीं आशिल्ली 110 ही झाडां कोसळूक शकतात असो अहवाल उपजिल्लोअधिकाऱ्याक सादर केलो.
मजगतीं, हे संबंदी उपजिल्लोधिकारी निलेश धायमोडकार हांणी सांगलें 110 झाडां धोक्याची आसलीं तरी ती सगळीं कापचे नात. हाका लागून ज्या झाडां पसून चड धोको आसा त्या झाडां संबंदीतच निर्णय घेतले आनी हेर झाडांच्यो खांदयो कापपाचो निर्णय घेतले अशें तांणी सांगलें. तशेंच उल्लेख केल्ल्या वाठारांनी झाडां पडून येरादारी कोंयडी जाल्यार उजो पालोवपी दळ रोखडेंच थंय पावतलें. हे संबंदी उजो पालोवपी दळाक सुचोवण्योय दिल्यात अशें उपजिल्लोधिकारी धायमोडकार हांणी स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
