भांगरभूंय | प्रतिनिधी
इंडियन प्रिमियर लीग 2024च्या पयल्या 21 मॅचींचें वेळापत्रक जाहीर केलें. लोकसभा वेंचणुकेक लागून अंदूंच्या हंगामाचें पुर्ण वेळापत्रक जारी करूंक ना. दुसऱ्या टप्प्यातलें वेळापत्रक लोकसभा वेंचणुकेचे तारखेची घोशणा केल्या उपरांत आयपीएलाचें वेळापत्रक जारी करतले.
अंदूंच्या हंगामांतली पयली मॅच 22 मार्चाक सध्याचो वस्ताद चेन्नय सुपरकिंग्स आनी रॉयल चॅलेंजर्स बंगळुरू हांचे मदीं चेन्नयच्या चेपॉक स्टेडियमाचेर जातली.
पयल्या टप्प्यात 22 मार्च ते 7 एप्रील मेरेनच्या मॅचींचें वेळापत्रक जारी जालां. ह्या 17 दिसांनी 21 मॅची जातल्यो. हातूंत चार डबल हेडरांचो (एका दिसा दोन मॅची) आस्पाव आसा.
आयपीएल 26 मे मेरेन खेळयतले अशी चर्चा आसा. कारण 1 जून सावन वॅस्ट इंडिज आनी अमेरिका ह्या देशांनी संवसारीक टी-20 सर्त सुरू जातली. भारताची पयली मॅच 5 जूनाक जातली.
चेन्नय सुपरकिंग्स णववे खेपे आयपीएलाची उक्तावणाची मॅच खेळटलो. चेन्नय सुपरकिंग्स 10 खेपे फायनलींत पावला, जाल्यार पांच खेपे वस्तादपण जोडलां.
फाटल्या हंगामांत चेन्नय सुपरकिंग्सान गुजरात टायटन्साक हारोवन वस्तादपण जोडिल्लें.
मोहम्मद शमीक आयपीएल चुकतली
मजगतीं, आयपीएल सुरू जावचे पयलीं गुजरात टायटन्साक घर धपको बसला. ताचो फास्ट बॉलर मोहम्मद शमीक दुखापतीक लागून अंदूंची आयपीएल चुकतली. तशेंच हार्दीक पांड्या मुंबय इंडियन्सांत आयिल्ल्यान गुजरात टायटन्साक पयलीं धपको बसला.
आयपीएलाचें वेळापत्रक
22 मार्चः चेन्नय सुपरकिंग्स आड रॉयल चॅलेंजर्स बंगळुरू
23 मार्चः पंजाब किंग्स आड दिल्ली कॅपिटल्स
23 मार्चः कोलकाता नायट रायडर्स आड सनरायझर्स हैदराबाद
24 मार्चः राजस्थान रॉयल्स आड लखनौ सुपर जायण्ट्स
24 मार्चः गुजरात टायटन्स आड मुंबय इंडियन्स
25 मार्चः रॉयल चॅलेंजर्स बंगळुरू आड पंजाब किंग्स
26 मार्चः चेन्नय सुपरकिंग्स आड गुजरात टायटन्स
27 मार्चः सनरायझर्स हैदराबाद आड मुंबय इंडियन्स
28 मार्चः राजस्थान रॉयल्स आड दिल्ली कॅपिटल्स
29 मार्चः रॉयल चॅलेंजर्स बंगळुरू आड कोलकाता नायट रायडर्स
30 मार्चः लखनौ सुपर जायण्ट्स आड पंजाब किंग्स
31 मार्चः गुजरात टायटन्स आड सनरायझर्स हैदराबाद
31 मार्चः दिल्ली कॅपिटल्स आड चेन्नय सुपरकिंग्स
1 एप्रीलः मुंबय इंडियन्स आड राजस्थान रॉयल्स
2 एप्रीलः रॉयल चॅलेंजर्स बंगळुरू आड लखनौ सुपर जायण्ट्स
3 एप्रीलः दिल्ली कॅपिटल्स आड कोलकाता नायट रायडर्स
4 एप्रीलः गुजरात टायटन्स आड पंजाब किंग्स
5 एप्रीलः राजस्थान रॉयल्स आड रॉयल चॅलेंजर्स बंगळुरू
7 एप्रीलः मुंबय इंडियन्स आड दिल्ली कॅपिटल्स
7 एप्रीलः लखनौ सुपर जायण्ट्स आड गुजरात टायटन्स
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
