भांगरभूंय | प्रतिनिधी
नवी दिल्ली, खबरां संस्थाः भारतांत चुकीचे जिणे पद्दतीक लागून जावपी दुयेंस वाडत आसात. मात संसर्गजन्य दुयेसांचें प्रमाण उणें जायत आसा अशें नव्या राष्ट्रीय सर्वेक्षणांतल्यान दिसून आयलां. तेच बरोबर बदलपी जिणे पद्दत, शारीकरण आनी वाडट्या पिराये प्रमाण भलायकी समस्यांचें स्वरूप बदलत आसा अशें अहवालांत म्हळां. चुकीच्या खावपाच्या सवयींक लागून तरणाट्यां मदीं काळजाचे दुयेंस, उच्च रगतदाब, गोडेंमूत, थायरॉयड सारकिल्ले काळजाचे दुयेंस आनी चयापचयाचे दुयेंस खूब वाडत आशिल्ल्याचें दिसून आयलां.
राष्ट्रीय सांख्यिकी कार्यालयान (एनएसओ) केल्ल्या ताज्या सर्वेक्षणां प्रमाण, 2025 वर्सा देशांतल्या सुमार 25.6 टक्के लोकांक काळजाचे दुयेंस, उच्च रगतदाब, गोडेंमूत, थायरॉयड, काळजाचे आनी चयापचयाचे दुयेंस जाल्ल्याचें नोंद जालां. 2017-18 वर्सा हें प्रमाण 16.7 टक्के आशिल्लें. हाचे वयल्यान फाटल्या दशकांत जिणे पद्दतीच्या दुयेंसांत खूब वाड जाल्ल्याचे दिसून येता. तशेंच सर्वेक्षणांत 24.2 टक्के लोकांक चयापचय आनी अंत:स्रावी दुयेंस जाल्ल्याचें म्हणलां. जें 2017-18 वर्सा फकत 15 टक्के आशिल्लें. खास करून ह्या दुयेंसांचें प्रमाण 45 वर्सां वयर आशिल्ल्या लोकां मदीं चड आसता.
मजगतीं, संसर्गजन्य दुयेंसां मदीं उणाव जालां. 2025 वर्सा सुमार 15 टक्के लोकांक जोर, कावीळ, अतिसार अशे संसर्गजन्य दुयेंस जाल्ल्याचें सांगलां, जाल्यार 2017-18 वर्सा हे प्रमाण 32 टक्के आशिल्लें. पिराये प्रमाण दुयेंसांचें प्रमाण नेटान वाडटा अशेंय अहवालांत नमूद केलां. बदलत्या जिणे पद्दतीक लागून भलायकेची जागृताय वाडोवपाची आनी प्रतिबंधात्मक उपाय करपाची गरज चड आसा अशें ह्या अहवालांतल्यान दिसून आयला.
#Diseases #wronglifestyle #heartdisease #highbloodpressure #diabetes #heartdisease #thyroid #metabolicdiseases #NationalStatisticalOffice #NSO #India
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
