भांगरभूंय | प्रतिनिधी
भांगरभूंय । प्रतिनिधी
दिवचलः चित्पावन ब्राम्हण संघा वतीन वर्सुकी पद्दतीन पार्वतीनगर कुळण, सर्वण हांगच्या देवी योगेश्वरी देवस्थानांत आयतार 14 एप्रील तें आयतार 5 मे अशें 22 दिसांचे हालींच मुज जाल्ल्या बटुं खातीर निवासी ब्रह्मचर्याश्रम वर्गाचें आयोजन केलां.
ह्या वर्गांत पयले, दुसरें आनी तिसऱ्या वर्साचें वैदीक शिक्षण तशेंच योग, सूर्यनमस्कार, बुद्दिबळ ह्या सारके बैठे खेळ हाचे प्राथमीक वर्ग घेतले. द्रवीड ब्राह्मण समाजांतल्या उपनयन संस्कार जाल्ल्या 13 वर्सां पिराये सकयल्ल्या बटूंक ह्या वर्गांत पयलीं आयिल्ल्याक पयलीं ह्या तत्वाचेर प्रवेश दितले.
नांव नोंदणी खातीर इच्छुकांनी संघाचो अध्यक्ष दीपक मराठे (9923368796) वा देवस्थानाचो वेवस्थापक संजय बर्वे (9156043886) हाचे कडेन संपर्क सादून विहित नमुन्यांतलो अर्ज भरून तो सादर करचो अशें चित्पावन ब्राह्मण संघा वतीन कळीत केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
