भांगरभूंय | प्रतिनिधी
भांगरभूंय । प्रतिनिधी
मुरगांवः चिखली हांगच्या महादेव देवळाचो आठवो वर्धापन दीस बिरेस्तार 29 तें 1 मार्च मजगतीं जातलो. नरेश गोसावी आनी नविना गोसावी हांच्या येजमनके खाला सकाळीं 7 वरांचेर धर्मीक विधी जातले आनी दनपारां म्हाप्रसाद आनी रातीं 8 वरांचेर भजनाची कार्यावळ जातली.
1 तें 8 मार्च मजगतीं दर दिसा पूजा, आरत्यो. तीर्थ प्रसाद आनी भजन जातले. 1 मार्चाक चित्रकला सर्त, 2 मार्चाक नाच सर्त, 3 मार्चाक वास्को रोटरी पोर्ट टावन क्लबा वतीन खाशेली कार्यावळ जातली. 4 मार्चाक रांगोळी सर्त, 5 मार्चाक अभंय गायन सर्त, 6 मार्चाक भेसवण सर्त आनी 7 मार्चाक कराओके गायन सर्त जातली. ह्या सर्तींनी वांटो घेवपा खातीर सरचिटणीस दत्तराज गांवस (8806723512) हाचे कडेन संपर्क सादचो अशें कळीत केलां.
वर्सावळी प्रमाण महाशिवरात उत्सव 8 मार्चाक मनयले ते निमतान सकाळीं 7 वरांचेर महाभिषेक जातलो. ते उपरांत 8 वरां सावन भाविकांकडल्यान अभिषेक, आरती, तीर्थ प्रसाद आनी दनपरां 1 वरांचेर महाप्रसाद आसतलो. सांजेच्या 7 वरांचेर किलबिल कार्यावळ तशेंच हेर कार्यावळीचें ईनामा वांटप जातलें. सगळ्या भाविकांनी सुवाळ्याक हाजीर रावचें आनी महाप्रसादाचो लाव घेवचो अशें आवाहन देवस्थान समितीन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
