भांगरभूंय | प्रतिनिधी
मुरगांव, प्रतिनिधी : लोकसभा वेंचणुकेक लागून राज्यांत आचारसंहिता लागू जाल्ल्यान सगळ्या बेकायदेशीर गजालींचेर खर नदर दवरप चालू आसा. मुरगांव अबकारी विभागान दाबोळेच्या चिकोळणा- बोगमाळो वाठारांतल्या एका हॉटेलांत बुधवारा रातीं बेकायदेशीर सोरो जप्त केलो. परवानगे बगर सोरो विकतना घाल्ल्या छाप्या वेळार मुरगांव म्हाल भरारी पंगड हाजीर आशिल्लो. ह्या छाप्यांत अबकारी विभागान सुमार ३८ हजार रुपयांच्यो देशी – विदेशी सोऱ्याच्यो बाटल्यो जप्त केल्यो.
लोकसभा वेंचणुकेचे फाटभूंयेर भरारी पंगड आनी राज्य अबकारी विभागान बेकायदेशीर सोर्याच्यो बाटल्यो व्हडा प्रमाणांत जप्त केल्यात. हो छापो मुरगांव अबकारी निरीक्षक देवेंद्र घाटे आनी मुरगांव भरारी पंगड मुखेली समित नायक हांचे हाजेरींत घातलो. ह्या वेळार तांचे वांगडा अबकारी आनी भरारी पंगडांतले रमिज मुल्ला, मयुर गोकाणी, शब्बीर शेख हाजीर आशिल्ले. हाचे पयलीं वास्को पुलिसांनी दाबोळी जॉगर्स पार्क वाठारांत छापो घालून सोर्याच्यो बाटल्यो जप्त केल्ल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
