भांगरभूंय | प्रतिनिधी
पणजीः साखळी मतदारसंघांतल्या चिखणें कुडण्यां 58 वर्सा पिरायेचे शैला घाडी ह्या बायलेचो खून केल्ल्या प्रकरणांत सागर रावळ (34) हाका अटक केली.
मेळिल्ले म्हायती प्रमाण, पीडित बायलेच्या ल्हान चलयेकडेन लग्न करतलो अशें दुबावितान सागलें. पूण शैला घाडी हिणें तांच्या लग्नाक न्हयकार दिलो. ह्याच रागांतल्यान दुबावितान तिचो खून केलां आसूं येता अशें सुरवातेच्या तपासांतल्यान मुखार आयलां.
खून केले उपरांत शैला हिची भांगराची सरपळी आनी मोबायल घेवन दुबावीत पळून गेल्लो. खून केल्ल्या दिसा पसून दुबावीत फरारी आशिल्लो ताचो सोद पुलीस घेताले. आयज, 21 तारखेर दुबावीत सागर रावळ हाका मुंबयंत पुलिसांनी धरलो. महाराष्ट्र पुलिसांच्या मजतीन दिवचले पुलिसांनी ही कामगिरी केली. दुबाविताक गोंयांत हाडपाची प्रक्रिया सुरु केल्या. फुडली चवकशी पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
