भांगरभूंय | प्रतिनिधी
पणजी, प्रतिनिधी: चवथ फाल्यां. ताका लागून शारांत रावपी खुबशे जाण हो उत्सव मनोवपा खातीर आपापलीं घरां, फ्लॅट बंद करून चवथ मनोवपा खातीर मूळ घरा वतात. ही आयती मेळिल्ली संद पळोवन चोर ह्या काळांत बंद आशिल्लीं घरां फोडून घरांतलें सगळें चोरून व्हरपाक मेकळे. ताका लागून सगळ्यांची चवथ उमेदीची वचपा खातीर गोंय सरकारान पुराय गोंयभर वट्ट ३ हजार पुलीस तैनात केल्यात. तशेंच गुन्यांवकारी फाटभूंय आशिल्ल्यांचेर प्रतिबंधात्मक कारवाय केल्या.
अंदूं गोंय पुलिसांनी चोरांचो बंदोबस्त करपा खातीर खर पावलां उबारल्यांत. राज्यांतल्या सगळ्या गणेशोत्सव मंडळांक मार्गदर्शन तत्वां जारी केल्यांत. तशेंच मंडळांक सिसी टिव्ही कॅमेरे, उजो पालोवपी यंत्रणां, तशेंच पार्कींगची वेवस्था करपाच्यो सुचवण्योय दिल्यात.
चवथीच्या काळांत भारतीय रिझर्व्ह बटालियन (आयआरबी) पुलिसांची उत्तर गोंयांत ७ जाल्यार दक्षीण गोंयांत ७ मेळून १४ पंगड तैनात केल्यात. तशेंच ३००० सुरक्षा कर्मचारी राज्यभर तैनात रावतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
