भांगरभूंय | प्रतिनिधी
भांगरभूंय । प्रतिनिधी
सावयवेरेंः खेडें- सावयवेरें हांगच्या श्री दत्तात्रय देवस्थानाच्या वर्धापन दिसा निमतान आयोजीत केल्ले सर्गेस्त कृष्णा खेडेकार यादस्तीक गोंय पांवड्या वयले बायलाचे घुमट आरती सर्तींत तळावलीच्या युवा कला मोगी पंगडान पयलें इनाम मेळयलें. दादल्याचे 24वे सर्तींत बिठ्ठोणच्या दाडेश्वर आरती मंडळाक पयलें इनाम फावो जालें.
सर्तीचो निकाल फडले भशेन- बायल सर्तः दुसरें इनाम- दुर्गादेवी आरती मंडळ, कालें, तिसरें इनाम- कटमगाळदादा मंडळ, फोंडें, चवथें इनाम- सरस्वती आरती मंडळ- कुर्टी, पांचवें- व्याघ्रेश्वर आरती मंडळ, खांडोळे, दादल्यांची सर्तः दुसरें इनाम- केळबाय आरती मंडळ, कुर्टी, तिसरें इनाम- साई महाविष्णू मंडळ, खांडोळे, चवथें- साखळेश्वर नेरूल, पांचवें- कारेश्वर मंडळ, लामगांव, त्रिमूर्ती आरती मंडळ, तरवळें आनी साई दामोदर आरती मंडळ, मडगांव हांकाय इनामां फावो जालीं.
बायलांच्या गटांत उत्कृश्ट गायिका म्हणून चैताली गांवकार (कालें), घुमट वादक म्हणून बोडगेश्वर संच, समेळ वादनांत चेतना गावडे (सरस्वती), कासाळें वादन- कटमगाळदादा, दादल्यांच्या गटांत गायना खातीर ब्राम्हणी देवी मंडळ, तळेपाक, घमट वादना खातीर काळभैरव मंडळ, दिवचल आनी समेळ वादना खातीर लईराई मंडळ, शिरगांव आनी कासाळें वादना खातीर साई समर्थ, मडगांव हांका इनामां दिली. सर्तीचें परिक्षण प्रकाश नायक आनी दिगंबर नायक हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
