भांगरभूंय | प्रतिनिधी
भांगरभूंय । प्रतिनिधी
पणजी : ज्या सुटके झुजाऱ्यांच्या घरात एकलोय सरकारी कर्मचारी ना, तांच्या भुरग्यांक आता सरकारी नोकरेत प्राधान्य मेळटलें. सुटके झुजाऱ्यांच्या भुरग्यांक नोकरी दिवपी येवजणेत बदल जाला. सुदारीत येवजणेची अधीसूचोवणी गृह फाट्यान जारी केल्या. सुटके झुजाऱ्यांचे आजून 35 भुरगे आसात, जांका नोकरी मेळूंक ना.
सुटके झुजाऱ्यांच्या काय घरांनी तीग- तीग जाण सरकारी नोकरेक आसात. काय घरांनी एकलोय ना. ज्या सुटके झुजाऱ्यांच्या घरांत एकलोय सरकारी नोकर ना, तांच्या भुरग्यांक नोकरी मेळची म्हूण येवजणेंत बदल केल्ल्याचें मुख्यमंत्री डॉ. प्रमोद सावंत हांणी स्पश्ट केलें. फाटल्या म्हयन्यांत मंत्रीमंडळ बसकेंत सुदारीत येवजणेक मान्यताय दिल्ली. आयज अधीसूचोवणी जारी जाल्या. सुटके झुजाऱ्यांच्या भुरग्यांक नोकरी दिवपा खातीर गोंय सरकारान 2013 वर्सा ही येवजण तयार केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
