भांगरभूंय | प्रतिनिधी
आमच्या घरांतले रांदचे कुडींत गॅस सिलिंडर हें एक म्हत्वाचें साधन. पूण, गॅस सिलिंडर वापरतना जतनाय घेवप लेगीत खूब म्हत्वाचें. गॅस सिलिंडराचे सुरक्षितताये खातीर गॅसीच्या पायपाची एक्सपायरी डेट तपासप म्हत्वाचें. तुमच्या बेसावधपणाक लागून सिलिंडर फुटूंक शकता.आयज आमी तुमकां सांगतलीं, गॅस पायपाचो सहजपणान कसो तपासचो तो.
गॅसीचें पायप रबराचें आसता. काळाप्रमाण तो रबर इबाडटा आनी तातूंतल्यान गॅस लीग जावपाचो धोको वाडटा. गॅस गळटेक लागून उजो आनी हेर अपघात जावंक शकतात. अशें जावन कोणाचो जीव वचपाचोय धोको आसता. ताका लागून गॅसीचेंपायप वेळार बदलचें पडटा. जर तुमका गॅसीच्या पायपाची एक्सपायरी डेट सोंपल्या काय ना हें कळना जाल्यार हांगा सांगिल्ले ऑनलायन पद्दतीचो वापर करून तुमी तें तपासपाक शकतात.
गॅस पायपाचेर एक्सपायरी डेट सोंपपाची तारीख बरयल्ली आसता. ही तारीख परवान्याची आसता, जी तुमकां गॅस पायपाचेर बरयल्ली दिसतली. तुमी भारत सरकाराच्या BIS केअर पवर ब्युरो ऑफ इंडियन स्टँडर्ड्स प्रमाणीत केल्ल्या गजालींची म्हायती पळोवपाक शकतात.
BIS Care ऍप भारतीय मानक ब्युरो (BIS) न विकसीत केला. हें ऍप Google Play Store वा Apple App Store वयल्यान डावनलोड करूं येता. गॅस पायपाची एक्सपायरी देट तपासपा खातीर हे स्टॅप्स फॉलो करात.
BIS केअर ऍप उघडात
तातूंत Verify License Details पर्यायाचेर टॅप करात.
आतंा पायपाचेर बरयल्लो CM/L कोड घालात.
कोड×घातल्या उपरांत गो बटणार क्लिक करात.
उपरांत तुमकां गॅस पायपाची सगळी म्हायती दिसतली. वैध आसा मेरेन तशेंच एक्सपायरी डेटूय तातूंत बरयल्या आसतली. जर पायपाची एक्सपायरी डेट जाल्यार जाल्यार गॅसीचें पायप रोखडेंच बदलचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
